وطن...
 

[align=center]تفتش عن وطن حقك
وماسويتو إنتا براك
بس مستني من بعضك
إلملم بعضو إبقى حِداك
ولاك شايل سلاح ترهب
ولاك بتهدِّد إبقو معاك
بس شايل فى إيدياتك
عشقك لى سما الخرطوم
وصوت الساقية فى بلدك
إدوزِّن فى مسافاتك
البتفصل بين خطاي و..خُطاك
تفتش عن وطن مكتوب
على الرملة ..ووصِّي الموج
بشويش ..

( عليك إيدياتي)
( عليك حبى لوليداتي )
( عليك الشفتو فى ريدك )
( عليك دم الوليد السال ..ونشَّط حلمي فى وريدك )
لاتمحى حروفو بالله
ولو أمكن ..
تخت فى ( واوو ) مصلايتك
وتحمل ( طاءو ) مخلايتك
وتسكِّن ( نونو ) فى سعناً
توزِّع فيهو رحماتك
وبعضاً من هديماتك
تشيلا وتجري بى فرحة
تهدي نحيب جنياتك
وتكسيهم هديمة
وتديهم لقيمة
مامغموسة فى ذلة
ولان مشترطة بي ( إلا
بس ممدوة بى إلفة
ويااااه
لمَّا الحنان إصبح ..مهنة بالحرفة


جيت أحلفكم ..
وكت حافظين كتاب الله
قدر ماتروح رويحاتنا
تنط الصرخة فى حلوقكم
بشِّر.. جرتقوك بالدم
دا ماميِّت ..
كبِّر ياحبيب الله
غبيتو العرفة فى الله ؟؟
قدر ماتاكلوا أرزاقنا
تقروا وراها آياتكم
زي منسوخة من كتباً نزلت بس لأوكاتكم
إحنا العرفة ..ماغِبتنا
وحاة الجانا من الله
وإحنا القلنا فى صلاتنا
( سراً )
أريتكم إنتو تستهدوا
أريتكم لحظة لو تهدوا
أريتكم تقروا قرءآنا
كنتو عرفتو وين إنتو
فى كم آية ..موجودين
وعذابكم ..ياالله متين حيتهدوا ؟؟
ونتشهَّد..
وإحنا برانا فى خلوة
وندعو ونبكي للمولى
وإحنا البينا لاحولا

وفجأة تجونا من مافي
( جهراً )
تقروا علينا دعواتنا
وكيف عادينا حكامنا
إحنا عقلنا متعافي ؟؟
واحد مننا معاكم ..
إمَّا يكون ..هو خلوتنا ..
أو يا وطني يامفجوع ..
أخاف إن قلتا دعوتنا !!


وجيت مُكبَّل بى هواي
الغلطة كانت هيَّ ريد ..
وكيف أريدك بس براي
وكيف أقول إنَّك جريح
وكيفن أصرخ ..ديك دماي
أصلو قالوا ..
داك شفق ..ساعة مغيب
وزي بقولوا ..
موقفي.. أصبح صعيب..
أصلي ماسامع كتير
مش قلتا جيت ؟؟
لالا فتا ..ويمكن أظن إني المشيت
برضي مافاكر كتير
وإشتقتا لي زولي البعيد
مرَّات أرتّب صوت مشيو ..
ألقاهو ببعد ..وأنا البجيو
ومرَّات أظن قرَّب كتير
أخاف عليو وجع المصير ..
خطية صبحت ..الزول يريد
وآخ من الخطية
لو أغوتك مرَّة الظنون
وردتا بلدك بي جنون


غيَّبوك الهُم ..
ماعرفوا إنَّك في ..
مشدود ووترك هم
مصلوب على التُمتم
دمَّك بينزف حق
وروحك وطن بتضُم
وماعرفوا إنَّك في
ماشافوا أخواتك ..
بيضاروا فى رفاتك
شان بالحنان إتلم
لاشافوا أمك جات
وحليبا لون الدم
تسقيك محل النزف
إبرا الجرح وإنجم
وماشافوا بذراتك
فى عيون وليداتك
بتصر وجع ..وتخم
راجين والأماني وقوف
تشق بطون الخوف
وتروّح الدجال
وأخر زمانو إتم [/align]

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ولو أمكن ..=
تخت فى ( واوو ) مصلايتك=
وتحمل ( طاءو ) مخلايتك=
وتسكِّن ( نونو ) فى سعناً=
توزِّع فيهو رحماتك=
وبعضاً من هديماتك=
تشيلا وتجرى بى فرحة=
تهدى نحيب جنياتك=
وتكسيهم هديمة=
وتديهم لقيمة=
مامغموسة فى ذلة=
ولان مشترطة بى إلا=
بس ممدوة بى إلفة=[/poem]

تأثرني العامية في الشعر وأزعم أنها أكثر روعة وبلاغة من الفصحي
هذه كلمات ممعنة في الجمال والحنية ...
مرحب بيك يا تماضر نورت الدار والله.

المرهفة تمااضر...

لك الحنين والحنان..وانت ترسمين فى حدقااات
العيون هذه اللوحة الراائعة ....
و ما اجمل الرسم بالكلماات...

و حقا وطن النجووم...تاانى..!!

يديك العاافية...
[align=center]
[media]http://andorra.indymedia.org/uploads/2006/09/watan.wma[/media][/align]

بداية أول الغيث قطرة ...
ما أجمل ان تكون البداية عن الوطن ..
دوما مفرداتك جميلة ومنمقة وتدخل القلب
دون إستئذان ومملؤة بالحنين وتفيض عذوبة ..
الله عليك ما أروعك يا تماضر ...

[align=center][frame="7 80"]غيَّبوك الهُم ..
ماعرفوا إنَّك في ..
مشدود ووترك هم
مصلوب على التُمتم
دمَّك بينزف حق
وروحك وطن بتضُم
وماعرفوا إنَّك في
ماشافوا أخواتك ..
بيضاروا فى رفاتك
شان بالحنان إتلم
لاشافوا أمك جات
وحليبا لون الدم
تسقيك محل النزف
إبرا الجرح وإنجم
وماشافوا بذراتك
فى عيون وليداتك
بتصر وجع ..وتخم
راجين والأمانى وقوف
تشق بطون الخوف
وتروّح الدجال
وأخر زمانو إتم[/frame][/align]

عجبى

أبوذر..ناصر..
سلامات..

شكراً على الطلة الحلوة ..والوطن أكبر جوّانا..
مودتي..

لما تفوت احلامك وترحل
من البلد الفاقدك اكتر
اعرف انك لسه موالف
درب البيت جواك بيكبر...

..