عاشق عيونك..
جيتني ياسيدي إستحالة
تنادي في حِسّي الرّهافة.. البرضو ماممكن مآلا إودِّي لي حاجات نخافا أصلو لو البينّا باقي وقادر إتحدّى المسافة مابتغيب اللهفة منّك لا الكلمة بتفارق ..عفافا.. كم سألتا الروح في بعدك ليه بزيد دايماً جفافا ولمّا أفضح فيني ريدك ألقاني بغرق في ضفافا إنتا عارف القسوة بعدك إنتا ياالكلك لطافة ولو تعرف الحيرة قربك ياحكاياتي الخرافة **** ياسيدي أتعبنّي التمنِّي ولسّه تايه في الأماني وكلما ..عينيك ..يجنِّي ألقاني بسرح في الأغاني ما لقيت الوصفو ذيّك لا عشقتا معاكا ..تاني وذي تقول عمري البدونك خالي من كل المعاني وياني بغرق في شجونك وإنتا متوسّد كياني.. برضي بشتاق لي غيومك وموسم الفيضان ..حناني في الأخير ..عاشق عيونك الفيها كم ريدك أذاني. |
اقتباس:
آآآآآآآآآآآآآآآآآآآآآآآآخ أنا من الريد وفعايل الريد وسماحة الريد ووشوشة الريد وريد الريد زاته يا شيخه |
تماضر
اقتباس:
أما ما جاء في هذا الإقتباس .. فقد توسَّد خاطري .. بل غرقت في منحنياته يعطيك ألف عافية |
اقتباس:
أوقفتني كلماتك يا تماضر و ملأتني بأحاسيس شتى الحب.... ما بين الممكن و المستحيل اقتباس:
ما بين جفاف الروح في البعد...كل البعد و إمتلاءها حد الغرق... عندما يفضحك ريدك لنفسك الأمارة بالزجر تسلم حروفك يا تماضر و تسلمي من الجفاف إنتِ |
اذا كنت اهرب منكي واليكي
فقولي بربك اين المفر |
اقتباس:
مش كده ؟؟ طلتك حلوة أفرحتني.. |
اقتباس:
ماغريبة يتوسّد خاطرك..وخاطرك كلّو سماح يسعد أيّامك.. |
اقتباس:
صعب يعيش إحساسك بين ممكن..ومستحيل.. محبتي.. |
اقتباس:
تسلم نزار على الطلة الحلوة. |
اقتباس:
معبر.. ياخي.. عجيب. تسلمي يا ابداع. |
ياسيدي أتعبنّي التمنِّي
ولسّه تايه في الأماني وكلما ..عينيك ..يجنِّي ألقاني بسرح في الأغاني ما لقيت الوصفو ذيّك لا عشقتا معاكا ..تاني يا ستى صبرك على ما تقولى خلاص نسانى جايك راجع بى تأنى أنا بقدر أفرط فى حنانى؟ عشقك لى عارفو وريدى ليك لخبط كيانى وكان بقدر أقول ما بدورك أريتو يتقطع لسانى :D :D :D يا بديعة دومآ تسلم حروفك ودى |
تماااضر...
تسجيل حضوووور........ شكرا للكلمااات الجميلة... يديك العاافية... [align=center] [media]http://andorra.indymedia.org/uploads/2006/07/ahmed_almustafa.wma[/media][/align] |
روعة ياتماضر تسمحي لي ابروزها بلحن منتظر الرد
|
اقتباس:
شكراً على رقيق كلماتك.. مودتي. |
اقتباس:
لالا ممكن تنساني ..معقولة بس ؟؟ يبرا لسانك ياخي تسلم ياجميل الروح.. |
| الساعة الآن 01:56 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.