وقف دفع فاتوة التلفونات لمنازل نواب البرلمان ودفع الموبايل" فقط"
 

إجراءات تقشفية تجاه نواب البرلمان الخرطوم

خَفّضت الأمانة العامة للمجلس الوطني، حصة الوقود التي تُصرف لنواب البرلمان إلى (25%)، وأوقفت دفع فاتورة التلفون الثابت في منازل النواب وأبقت على دفع فاتورة (الموبايل) فقط. وقال مصدرٌ مطلعٌ لـ (الرأي العام)، إنَّ إجراءات التقشف في البرلمان طالت أشياءً متعلقة بالنواب في مسائل ليست لها علاقة بالفصل الأول، وتابع بأنّ الأمانة (ألغت أشياءً ليست لها لازمة). فيما قال ابراهيم محمد ابراهيم الأمين العام للمجلس الوطني لـ (الرأي العام)، ان البرلمان في وضع يمكنه من تسيير أعماله كما ينبغي، وأكد أنه يتم الإنفاق في المجلس من وقت مبكر، وأشار الى أن الإجراءات ستتواصل. من جانبه، قال هجو قسم السيد نائب رئيس البرلمان لـ (الرأي العام)، إنه ورغم إجراءات التقشف التي اتخذتها الأمانة، إلاّ أنّ الأمور بالبرلمان تسير بشكلٍ طبيعي، وأضاف أنّ أمور البرلمان ستسير حتى وإن كانت ليست بنسبة (100%).

بيدفعوا فاتورة تلفونات بيوت النواب وموبايلاتم وبدوهم حق البنزين لعرباتم...!

طيب الوزراء والولاة والمستشارين بدفعوا ليهم حق شنو...؟

http://hh7.an3m1.com/Sep/an3m1.com_2712ce7aa41.bmp



أجلس كما يشاء لك الجلوس
وطز فيكم

اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif
ما قصروا والله كتر خيرن .. !!

الترهل الذي أصاب الديوان الحكومي بكافة أشكاله ولاة ونوابهم معتمدين ونوابهم وزراء والى آخر هذه القائمة ستظل خصماً على ميزانية الدولة حتى "بالموبايل فقط"

اوجه الفساد في البلاد بلا عدد

شكرا عبدالمنعم شيخ ادريس

تحياتي



اها ياطارق وبعدين تاني تفتكر حايلقو ليهم قروش قدر دي يبعزقوها زي دا

تحياتي عبد المنعم

أضحك الله سنها ياخ
السيد الأمانة الخاصة للمجلس الوطني
أن أهدتنا ما يفكهنا في يومنا.


باتش آخر جديد و طازج من مسلسل تراجيكوميديا المسرح الهزلي للنظام

ياخ و الله النظام ده بقه بيتعامل مع الشعب بطريقة غريبة جدا
زي كأنو الشعب السوداني ده شفع في روضة.

غايتو من واقع الخبر ده يا عبد المنعم
يا النظام ده بقه قادي عربي يا كمان نحن البقينا كده

يا كمان يكونو ناس مجمع اللغة العربية قامو غيرو مدلول كلمة (تقشف) و نجرو لينا مدلول جديد و ما أدونا خبر.

كلام ناس الامانة ده ذكرني بي نكتة الزول الكان بيتعشا في بيتم و يمشي يقزقز مع صحبو داك.

لمن صحبو قال ليهو عليك الله بعد كدة قزقز في بيتكم و بعدين تعال إتعشا معاي


هسة كمان عليكم الله يا أمانة
ما بندوركم تتقشفو فوقنا

إجدعو و إدردقو فوق بساط خيراتنا زي ما عايزين