بدون اذن عثمان حمد.... دخول توووش
[justify]
تلفوني يرن برقم غريب...لم اكن ادري من اين .. ولكني توكلت على الحي الذي لا يموت ورديت ..كانت المفاجأة ..الاسم المظاهرة بصوته ... عثمان حمد ..ومافي داعي اتم الباقي عشان المظاهرة ما تنكشف... في لحظات قليلة طافت كثير من الذكريات والايام الخوالي بمخيلتي... حلوها ومرها...ولكن طغت الاحزان لفراق الاحباب المؤسس .. والاديبة والشاعرة.. والوديعة.. من طيف هذه الذكريات انتشلني صوت عثمان حمد وهو يدعوني من جديد للتواصل والمحبة.... وهكذا ايقنت وازداد يقيني بأن معرفة سوداني ذهبٌ مجمر لا تصدأ ولا تتآكل ولا تُنسى... وللتواصل والمحبة أتينا طاعين لا كرها... وللاحباب والحبيبات والحبيبات والاحباء بسودانيات خالص التحايا والود... ولعثمان ود حمد ..ذو الذوق الآري .. النقي الف تحية وشكر،،، ولعكود .. عود الصندل الذي كلما القيت عليه قواسي ايامنا ونائباتها لا يعطيك الا ريحا طيبا.. عطر الصندل لك الشكر أجزله ... ويا ود حمد ساهرت في انتظار شوفتك ولم احظ بها.. قلت اقوم اخش توش كده خشه خفيفة مع ودي لكم جميعا المعز (ابو العز الجنوبي) [/justify] |
ابو العز الجنوبى
بركة االشفناك والله زمان ، ربنا يتقبلهم قبول حسن ويرحمهم جميعاً . بجد اليوم رجعنا بكل زكريات السنين مرة واحدة ، جميل تواجدك هنا اقصد قلمك فأهل سودانيات وان لم يكتبوا فهم متابعين وما يمر عليهم يوم الا كانوا هنا . يا ريت نراهم و كفاية صمت . انتظر قلمك الذى اعرف . تسلم واحة |
سلااام ومرحباب المعز،
رحمهم الله وغفر لهم. يوم الليلة ده، يوماً فرحان يزغرد، برجوع حرفك وأحرف تشوّقنا قراءتها كثيراً . . لا عشماً إنقطع، ولا محبّةً حِسَت. التحيّة لك، لهم ولود حمد. |
رحم الله كل من واصلنا بالمحبة...
وحباااااااااب الجانا راجع.. أحياناً الانقطاع يكون نفسيات..أو مشغوليات..وفي الحالتين نظل نحب هذا المكان.. التحية لعثمان حمد وكل الأحباب هنا |
وما احلى الرجوع لديارك بعد غيبة
التحية ليك يا ابو العز حيث ماكنت ومتى مارجعتة |
الظليلة ... الوارفة...
واحة سودانيات لكم اشتقت اليكم وإلى تواصلكم العزيز... ليكم وحشة وشوق شديدين.. تسلمي بمرورك الكريم وإن شاء الله معاكم دوما |
عطر الصندل..
ونغم السمندل... الصنديد الحارس الدار والبياكل النار حامي الحمى...اسد الوغى عكود لك الفضل ولك الشكر،، |
ابنة زياده
الفي الجمال زيادة.. وفي الذوق ريادة لك الود.. وللاحباب الذين عادوا بنا الود ايضا |
أيتها الام الرؤم....
افريقيا... غابة الأبنوس عيونك.. سمراء ..قلبُ بحجم القارة.. رجعنالك ...سودانيات دارنا... |
في غمرة السلام والترحاب...
دعونا نرجع قليلا للوراء ونسأل..أين هم؟؟؟ سأبدأ وتواصلون... دير بنت النيل حميم خالد سعد اسعد البرير الطيب البشير جنابو ندى شارف خطاب عبدالعزيز بركه ساكن جمال تاج السر ممكونة النسيب المحسي البنت الحديقة عجب الفيا الشقليني السفير جمال ابوجهينة و.... و... الموجودون قولوا للغائبين تعالوا تامين.. ناصر يوسف عالم عباس معتصم الطاهر سجيمان و..... |
تحياتى ياأبو العز ,
والبركة فيكم فى من رحلوا عنا , شوفتك تسعد فمرحبآ بك صاحب ديار, وراميآ فى طوب تأسيسها مدماك الكلمة حاجة تفرح بالجد |
سلامات يا أبو العز يا عزيز .. البركة فيكم ياخ
ياخ دخلت هنا بالصدفة ساكت .. لى يومين مى مساككة عثمان حمد .. ياخ طل بى غادى كمان عشان تسخن الدلوكة :D:D مشتاقين والله .. أخوك بقى من عجايز سودانيات القدام وضيف شرف .. رجعتكم دى صغرتنى ودفقت الدم فى عروقى .. ما دايرين نقول يا حليل زمان .. دايرين نشمر لى بكرة .. وأبشرك المنتدى مليان بنات ولأولاد زى الفل .. عشان كدة الليلة أحلى ياخ مرحب بيك كتير |
ياسلاااااااااااااااام يا أبوالعز الجنوبي، والله بوستيك دا ماشوفتو إلا أسة، وياخى قبل ما أسلم عليك وأقالدك، أقول ليك إنت دخلت هنا فى المنتدى الخاص بالأعضاء، هو منتدى فى سودانيات خاص بأمر الاعضاء وتبادل التهانى وهذة الأشياء. تعال بي هناك فى المنتدى العام (منتدى الحوار)، نحنا رأجينك، فى بوست أنا نزلتو بيهناك وانا أشيل وأحرس فيك بهناك، البوست إسمو (الشفاتيات والشفوت وصلوا)، البوست عامر عمرة شديدة وفيهو كل الحلوين، ندى شارف، ممكونة، دير، بنت النيل، حميد، ناصر يوسف وكل الحلوين بإختصار وذى ماقال ليك رأفت ميلاد الدلوكة بي هناك حارة والبوست ماشى مشى رهيب شمارات، ضحك وتراحيب وكل شئ،ز تعال وأقراء ح تستمتع بالجد وبالجد بالجد فيهو ريحة سودانيات البنعرفها زمان.
لكن برضو بوستيك هنا مرحب بيهو، والبركة بجيتك فأنت راجل غالى وعزيز ولك مكانك فى القلب وبصراحة رجل بحجم الوطن. لك الحب يا ابوالعز وهو طبعاك الذى نعرفه والحمد الله بانك انت كما انت ولم تخزلنا برجعتك والتى هى فرح لنا كلنا. تعال بي هناك فى المنتدى العام (منتدى الحوار) عشان الشمارات مُسخنة والضحك مدور واى زول شغال لتانى شغل رهيب والدلزكة مسخنة الف وفى إنتظارك. مرة تانية أسف بالجد لانى ماشفته بوستيك بهنا فى المنتدى الخاص. كل الاعضاء متواجدين فى المنتدى العام (منتدى الحوار) وكل بدخلو بهناك. لك الحب يارجل ياسمِح. |
الناس الحلوين
الجيلي رأفت ود حمد شوق شديد.. وفرحة غامرة وعامرة اها انا ماشي بهناك في ناس حاقالد وأبكي .. :cool: وفي ناس عكازي وشبشبهم ..وبرضو بكاء شديد:mad::mad::mad: |
تعرف كم أحبكم
و مكانكم منزلي |
| الساعة الآن 07:55 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.