الجزارين x الحكومة
يروي الطيب صالح في روايته الشهيرة علي لسان موظف متقاعد أن كلية غردون في ثلاثينات القرن الماضي كانت تخرج صغار الموظفين الذين يعملون تحت أمرة موظف انجليزي أعلى منهم في الدرجة الوظيفية وهم حقيقة أقرب للممتحصلين منهم للموظفين , فيقومون بجمع العوائد من عامة الشعب بضغط مباشر من الموظف الانجليزي وعندما يجأر المواطنون بالشكوى للمفتش أو الموظف الانجليزي يستجيب لطلباتهم ويقوم بإلغاء العوائد أو تخفيضها فيبدو في نظر المواطنين الرجل الرحيم بحالهم في حين يبدو صغار المظفين هم القساة الذين لا يرقون لحال الشعب . أسوق هذه المقدمة لأن ماتقوم به الحكومة الآن من تدخلها المباشر في سوق اللحوم الحمراء والبيضاء يشابه تماما دور المفتش البريطاني في الرواية فكيف ذلك ؟؟ الارتفاع المتسارع في أسعار اللحوم في افترة الماضية جاء لعدة أسباب كان للحكومة اليد الطولى فيها منها تشجيع التصدير بالرغم من نقص الوارد للسوق المحلي دعك الآن من الضرائب والعوائد التي تبدأ من مناطق الانتاج مرورا بالتسويق الاجمالي ثم التسويق الجزئي للجزارين والمواطنين , في كل هذا تأخذ الحكومة حقها كاملا غير منقوصاً وحمدها في بطنها , وحين يجأر المواطنون بالشكوى من ارتفاع أسعار اللحوم بصورة خرافية , تجأر الحكومة بالشكوي أيضاً مدعية أن الأرتفاع غير مبرر ثم يتفتق ذهنها عن فكرة عبقرية وهي الدخول المباشر للسوق وانشاء مراكز حكومية للبيع المباشر للحوم باسعار مخفضة بل ومخفضة أيضاً , ولاتفوت علي فطنة القارئ أن تلك المراكز معفية من كل الرسوم الحكومية وغير الحكومية في حين أنها تنافس في سوق ينوء بأعباء ثقيلة هي المسبب الاساسي لها . المطلوب من حكومتنا فقط رفع يدها الثقيلة عن سوق اللحوم وتلقائياً أسعارها ستنخفض ولا يتم اخراج الجزارين ومساعديهم من السوق الي المجهول لأن المعالجة الشوفونية التي تقوم بها الحكومة الآن لن تؤدي الي خفض الأسعار بل ستؤزم المشكلة أكثر فالغلاء لم يطل اللحمة فقط ولكنه طال السلع الاستهلاكية جميعها فالآن سعر كيلو الدكوة تجاوز الخمسة عشرة جنيها فهل ستقوم الحكومة بانشاء مراكز لبيع الدكوة ؟؟ محمد الطيب يوسف |
سلام يا محمد
الحق نفسي شخصياً في أن ترفع الحكومة يدها عن حكم الشعب نهائياً وتريح وتستريح |
اقتباس:
المشاركة الأصلية كتبت بواسطة بله محمد الفاضل http://sudanyat.org/vb/images/buttons/viewpost.gif سلام يا محمد الحق نفسي شخصياً في أن ترفع الحكومة يدها عن حكم الشعب نهائياً وتريح وتستريح ياتو يد اليمين ولا الشمال ؟ ممكن ترفع اليمين وتكون ضاغطه بالشمال وتقول والله اليمين كانت سجمانه ورمدانه احسن ليكم الشمال وبعد شويه تقول الشمال برضو طلعت سجمانه ورمدانه اخير اطوهض ما ينفع يا بله لازم تتمسح لكم خالص الود محمد وبله |
اقتباس:
ياخ الحكومة دي لحدي متين دايرة تورم فينا سئمنا مسلسل الطبيخ الحكومي علي كل المستويات. شدني جدا يا محمد ربطك بين المشهدين مشهد المفتش الإنجليزي و هو يمارس دور المطبطباتي علي متاعب الشعب و مشهد الحكومة و هي تمارس ذات الدوبلاج بس حقيقي يا محمد الواحد بلوم الشعب في الحتة دي ياخ لو قدرنا لقينا العذر للشعب أيام المفتش الإنجليزي بإنو وعيو تجاه ثقافة الطبيخ السياسي كان قاصر بحكم غياب كتير من معطيات التعليم و سعة الأفق المتوفرة اليوم أهن شعبنا بتاع هسة ده من وين نجيب ليهو العذر ؟؟؟؟ ياخ نحن مأساتنا الحقيقية بتكمن في إنو .... زي ما التاريخ بكرر نفسو كل مرة نحن برضو مصرين نعيد و نكرر في نفسنا كل مرة. |
اقتباس:
الشعب مستمتع بالطريق الوعر ده بحسب العضو ود الخير في بوست مجاور فتأمل ..! -- شكرا يا خالد يادكتوركيف حالك ، لن يكتب عن اوجاع الناس في بلدي الا الذين يعرفون معاناتهم. فاكتب ياصاحب . لكم تحياتي |
واللاي يا عمك وزي ما اقترحت ليك قبل كدة
خليك من لعب المباريات دييييييك وادخل غمار معمعة لعبة فلفلت دا منها تغير شوية ومنها تتناول الحاصل بلغة مباشرة خليك في قصة كتابة المقالات دي خاصة وانت عايش وسط الحاصل زي ما قال ليك طقطق |
اقتباس:
وهو المقصود أصلاً فرفع اليد تعني كفها والكف يعني وقف جميع فعلها إن باليمن علي اليمين أو بالشمال... |
اقتباس:
قال يدها قال دى قاعدة كل ثقلها .. و ##### |
اقتباس:
المشاركة الأصلية كتبت بواسطة بله محمد الفاضل http://sudanyat.org/vb/images/buttons/viewpost.gif سلام يا محمد الحق نفسي شخصياً في أن ترفع الحكومة يدها عن حكم الشعب نهائياً وتريح وتستريح العافية درجات ... كدي خليها ترفع يدها من السوق هسي :p:p |
اقتباس:
المشاركة الأصلية كتبت بواسطة يحي عثمان عيسي http://sudanyat.org/vb/images/buttons/viewpost.gif اقتباس: المشاركة الأصلية كتبت بواسطة بله محمد الفاضل http://sudanyat.org/vb/images/buttons/viewpost.gif سلام يا محمد الحق نفسي شخصياً في أن ترفع الحكومة يدها عن حكم الشعب نهائياً وتريح وتستريح ياتو يد اليمين ولا الشمال ؟ ممكن ترفع اليمين وتكون ضاغطه بالشمال وتقول والله اليمين كانت سجمانه ورمدانه احسن ليكم الشمال وبعد شويه تقول الشمال برضو طلعت سجمانه ورمدانه اخير اطوهض ما ينفع يا بله لازم تتمسح لكم خالص الود محمد وبله الله يجازي محنك يا يحيي خليتني اضحك زي المجنون |
خالد الصائغ ازيك ... ياخ وعى الشعب ما تغير كتير تصدق ؟؟
يمين هسي الواحد يقول ليك والله الحكومة كويسة لكن التجار بقوا حرامية وطماعين ,,, شنو ليك |
كانديك الجميل
كلام ود الخير ماني خابرو لكن الشعب البستمتع بالغلاء والتضييق في المعيشة ده ما لاقاني لي هسي ,,, لو لقيتو بحكمو ليك طوالي والله صحي |
عزيزنا وجدي الاسعد
اخوك لا ليهو في الكورة ولا فلفلت أنا مواطن بسيط عاوز سوق رخيصة وتعليم مجاني وعلاج كويس ده المطلوب كلو من (طقطق) للسلام عليكم |
اقتباس:
المشاركة الأصلية كتبت بواسطة معتصم الطاهر http://sudanyat.org/vb/images/buttons/viewpost.gif قال يدها قال دى قاعدة كل ثقلها .. و ##### معتصم ازيك ... قلت لي مفرشخة عديل كديالله لا كسبها ياخ |
اقتباس:
|
| الساعة الآن 08:13 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.