جعفـــــر بــــــدرى .... المــــزارع الســــعيد
 

بسم الله الرحمن الرحيم

أخونا جعفر صار من كبار الملاك ..
ومزرعته صارت تتضاهى مزرعة الأمير خالد بن سلطان ..
ومن المحتمل أن ينافس على رئاسة إتحاد المزارعين السعيد ..
المنافسة بينه وبين الزول الخرافى فى أوجها ..

يا جماعة الوشوش دى أبت تشتغل معاى

بسم الله الرحمن الرحيم

فى الطرف الآخر يقف صديقى طيبان ..
طيبان يهدد كل من يرسل له دعوة لهذه المزرعة ـ الغير سعيده فى نظره ـ بشطبه من قائمة الأصدقاء ..

بسم الله الرحمن الرحيم


أها من أجل أن يعود صديقنا جعفر بدرى
ــ للمغنى الجميل ..
ــ لنقرشات الحروف ..
ــ لردهات المنتدى ..
نحن فى حاجة الى وفد تفاوضى ..

وسيكون دكتور حذيفة مندوبنا الى ( دوحة ) المفاوضات ..

بسم الله الرحمن الرحيم

يا جماعة ، أستاذ جعفر ده لازم ( تأترو)
الزول ده حتى ما جاء قال لى عصمت العالم سلامتك ..
وأونلاين على طول فى المدعو الفيس بوك داك ..

دكتور أحمد زين ، إيدك معانا ..

سلامات النور،
كلّم صاحبك طيبان
انّو ماف داعي للتهديد، ماعليه سوى أن يعمل كليك على الطلب واسم المزرعة التعيسة:p
بيلقى خيار بتاع ديس ايبول طوّالي يدوسو ويقول آآي مادار أشوف خلقتا تاني
تاني كان عملو ليهو عمل ورسلوها مابتجيو

نعلّم فيكم لا متين احنا بس؟:D

سلامات يا نورنا و كل عام و انتم بخير
و استاذنا جعفر يشهد الله اننا في شوق له
و لحروفه الذهبية كامل الفقدان و ندفر معكم
لجميل اطلالته و ايابه ..

اهاااااا
اهااااااااااااااااااا يادوووووب وقعت ليكم !
ماقلنا ليكم " شباشب" حبائب والهناى داك
شوف يا النور الشغلة ادمااااان وعمك جعفر دا بقى مدمن
فاحسن شىى تسويها تجيب ليهو مزرعة هنى دا وتجيبو يزرعها بى حوفو الجميلة

انا جاهزة للمفاوضات :D:D

عمدتنا العريس
كل سنة واتا طيب ياخ ....وتقطعها بعرق العافية :D
وعلى بالطلاق الـ" ر " الوقعت منى دى اعتبرها هدية العرس نامن نجيب ليك باقيها ..
مشكور على الشطة الهردت مصارينا

مش اخير من قلنا وقالوا:D


وهناية ديك


وهناي داكlooool

تماضر ..
أسعد الله أوقاتك ..

التهديد مقصود فى ذات عضمو ..
وبساعد فى العملية التفاوضية مع أستاذنا حعفر ..
الخيارات التقنية أنا محتاجا مع ألعاب غريبة كده بدعونى ليها ..

طيب عليك أفتينى فى طلبات الصداقة البتجيك من ناس فى حواء وآدم ما بتتلموا !!!
ديل إتعاملوا معاهم كيف ..
رأيك شنو نضمك لوفد التفاوض ده

يا حبيب ..
شوق كتير ، ربنا يحقق أمانيك ..

استاذ جعفر موجود ،
بس غايتو إلا تباصر لينا إقتراح سمراء داك ..
وتعمل ليهو مزرعة صغيره بى هنا إن شاء الله فى ( خاص بالمدمنين )