كعادة النادي السوداني بدبي حفل قمة السخافة
حضرت حفلة اقامها النادي السوداني بدبي الجمعة الماضية بمناسبة عيد الاستقلال
وليتني لم افعل سخف في كامل معانيه واضافة جديدة لاخفاقات النادي السوداني بدبي!! وكعادتنا في عدم تقديرنا للوقت من المفترض ان يبدأ الحفل الساعة الثامنة مساءاً بدأ الساعة الحادية عشرة ...!!!! بدأ..وكالعادة بدون اي اعتذار من المشرفين على الحفل عن التاخير..!!!! اعداد مهولة من السودانيين حتى لتحسب ان الحفل مقام بالخرطوم ولا مقاعد..!!!! غالبية الحضور وقوف والمقاعد شحيحة والمحظوظ من يفز بمقعد..!!! كان ذاك اول احباط ندمت عندها على (شلاقتي:() بالحضور.. واساساً اتيت بعد اخذ ورد نفسي كرهت عندها نفسي الامارة بالسؤ ... بدأ بفقرة لكورال النادي ودا براهو قصة...:(!!! يتبع.... |
ما يسمى كورال حيفاً !! اصوات لايربط بينها سوى النشاز
كل صوت في وادي واللحن في وادي وليس لنا الا الانضراسة..:mad: غايتو نقول الحمد لله خاصة والحفل يحضره بعض الاخوة الاماراتيين على مستوى رفيع.. والمفترض ان نعكس بهذا الحفل فننا السوداني وفرحتنا باستقلالنا ولكن البداية صااااادمة |
حفل كان اضحوكة ربكة على المسرح ما بعدها ربكة كأنما كل شيء كان ارتجالاً ولم تسبقه اي بروفة او تخطيط
وناس تطلع وناس تنزل من المسرح بل وفجأة يتوقف الكورال لعطل في الصوت يتم تصليحه على مرأى من الجمهورياللهول....:mad: هو انحنا الا يكتبوا علينا سودانيين...!!!!! |
في كل مرة يثبت النادي السوداني بدبي فشله الذريع النادي كمبنى غير مشرف لدبي
وكالنكرة وسط الاندية التي تحيط به باهت قديم لم تكلف ادارته نفسها مشقة تجديد طلائه (ان كانت مشقة ) ويبدو كذلك !!!!! اما داخله فحدث ولا حرج (كرور) نعم (كرور) وكعادتنا نحن في تكديس الاشياء التالفة كراسي محطمة طاولات حديد خشب والكثير الكثير من (الكرور) الذي يتربع في داخل النادي القابع في قلب دبي عجباً.. اعتقد انه يجب ان تتم مخالفة النادي من قبل بلدية دبي لانه غير مشرف لدبي مع العلم انه قد اقيمت حفلات كثيرة العام الماضي لصالح تجديد بناء النادي ولكن الريع (بح) القروش طارت وبقي المبنى كما هو وشو ينعل قفاهو ...:mad: |
كل الحفلات التي تقام في دبي والتي يتم بثها عبر قناة البلو نايل قمة في الاتقان والحرفية والتنظيم ومن هنا التحية لمجموعة آل حاكم والتي تبذل الجهد لاخراج حفلاتها على مستوى عال من الدقة والتنظيم واللذين افتقدناهما في هذا الحفل لانهم لم يكونوا القائمين عليه..!!!
نعم كان الحفل بدون رسوم دخول ولكن ذاك لا يعني ان تكون بتلك الفوضي وعدم التنظيم حين يكون الحفل (ملح) فتوقع كثافة الحضور واستعد له..اقلها بالكراسي ناهيك عن ضيافة .. فالماء لم يكن متوفراً وتضاعفت اسعار السندوتشات الى خمسة اضعاف في بلد يعمه الرخاء ولكن مكتوب على السودانيين الغلاء اينما حلوا في مكان يرتبط اسمه بالسودان ولو كان بالامارات...عجبي ثم عجبي...:mad: من قبل اقيمت حفلات وبرسوم وايضاً صاحبتها نفس هذه الفوضى ... اذن فالعلة في القائمين على رأسها وليس المادة عذراً باي حال... الى متى هذا التخبط وعدم المسئولية يا ادارة النادي..؟؟؟؟ الى متى يا نادي السودانيين بدبي هذه الفوضى ..؟؟؟ ماهي مهامكم يا ادارة فكأنما انحصر دور النادي فقط على لعب الكوتشينة والعشاء بفول وطعمية..!!!!وذاك اقصى ما يقدمه النادي السوداني بدبي!!!! |
سلامات يامرافي
تصدقي عندي مايشبه الحساسية من النادي السوداني ده ! دخلتو في حياتي مرة واحدة بس مضطرا وعلى عجل وما اظني ممكن ادخلو تاني يسرني كثيرا اني لايمكن افكر في اني امشي اي حفل او فعالية تخص النادي.. ده اذا سمعت بيها وما اظن يحصل :D تحياتي وكامل التضامن مع مرارتك :) |
اقتباس:
والله انت اعقل زول اخدتها من قصيرا بالله خليك في حساسيتك دي وما تتهورش ...:D ياخ ديل لو بعاينو ساااي في دبي دي كان اتعلموا حاجة خلي قاعدين في قلبها وما قادرين يتطوروا مبنانا والله مخجل ويفقع المرارة النوادي والجاليات تمثل بلادا فيجب ان تكون بمستوى لائق ومحترم حتى تعكس للجاليات الاخرى جانب مشرق للاوطان بس نحنا حدث ولا حرج...:mad: بس والله اول مرة اعرف انك من نواحينا ..:D تحياتي |
مرافى سلام.
فى واحد فاتح بوست بنفس الخصوص فى مكان تانى وقال إنكم بعد ماشبعتوا طرب جميل وإبداع مليتو النادى زباله وقمامة ومشيتو. وجاب سيرة الحضاره وما ادارك ما الحضاره . غايتو بعد كلامك عن السندوشتات ده أظنى بديت اصدق كلامه:D:D. |
اقتباس:
والله الناس يكونوا ضر ساااااي وسخوا النادي فش مغصة وكدا...:D قال وسخوا قال قاااادر الله يعني هو من نضافتو..:( |
أُمنيتى اعرف، فى شنو فى الامارات؟gapgap
سلامات مرافى وضيوفة |
زمااااااان يامرافي
كنت يادوب برلوم في الغربة .. زمن الواحد يقول ليك والله الغربة حارة مشتهي لي ملاح بامية مفروكة بي قراصة .. ولاحظي مافي اي شولة او وقفة بين الغربة حارة وملاح البامية يقولهن كده مع بعض مؤكدا انو جيعان بس :) المهم انا كنت مشتاق لي لي حاجتين بس كنت مشتاق لي زحمة مواصلات السوق العربي وكنت مشتاق اخلط لي بت في الكافتريا :eek: ايي والله صدقي .. بالجد كده ده كان كل البيهمني من السودان المهم سمعت انو في حفلة في النادي السوداني ابوظبي .. بس طوالي شكيت ليك البنطلون والقميص وقلت بس الليلة دي على الاقل بس بعاين بعيونييي :) اها لمن مشيت هناك لقيت حاجة غريبة جدا ... كل حاجة كانت غريبة .. الناس البنات المكان الفنان طريقة الغنا كل حاجة كانت غريبة .. ولاول مرة حسيت بالجد بالغربة .. وبعدها ياهو مسكتني الحساسية القلتها ليك من كل مايتعلق بالاندية والحفلات والبنات ذاتو :D |
اقتباس:
كيفك يا بديري مشتاقين والله الامارات فيها حفلات ...:D |
اقتباس:
قت لي ملاح البامية والحفلات الاتنين طارن ليك..:D ياخ البامية ياها البامية امكن اتغير الزيت ...:) واتغيرن البنات الا دي اقتباس:
ناس تحب الزحمة في زول يتقريف للزحمة ياخ اخلط اي حاجة ان شاء الله جوافة بي فراولة...;) |
مرافي إزيك؟
حفلة ملح وكمان محتجة؟! ذكرتيني زعل الرشيد من ناس التلفزيون، قال ببيخوا ليك الفلم بالدعايات! مبارك حاكم الشهر الجاي جايب ندى القلعة بقرية البوم السياحية، وال VIP ب500 درهم. الما في شنو؟ |
سلامات يا مرافى
ياخ بى وصفك القلتيهو ده أثبتى أنتو ناس ما بتنفع فيكم الحسنة كلو كلو .. ياخ الناس ديل قصدهم شريف ودايرنكم to feel at home :D:D:D |
| الساعة الآن 09:55 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.