أصبحنا بي الله
كان الصباح أية
وكان الصباح إنسان وجابتّلو كباية صبح الصباح عطشان وقالتلو كيف تنسى كيفن تبيت جيعان ما الدنيا حالها غريب ما بتعرف التعبان يا حليل زمان كنا وكان الزمان نديان كل القلوب طيبة وكل الفريق أخوان وكان الصباح نعمة نقوم مع النجمة ونفتش الأرزاق معاي حاج احمد بس الزمن فراق وأنا ليه جد مشتاق قال لي ناوي اهج كان ألقى لي رقراق أصلو الظروف صعبة وأحوالها ما بتنطاق وكان الصباح أية وكان الصباح عنوان وجابتّلو مصلاية وأتوكل الرحمن صلالو كم ركعة ما اصلها الجمعة صلالها متطمن متناسي للوجعة وكان الصباح أية وكان الصباح إنسان *** أصلو الصباح للكد نكدح.. نكل.. ننهد شان الضمير يرتاح شان العيال تسعد تلقالا يوما زين .. تلقالا شيتن زين ونفوسنا متطايبة رغم الزمان الشين عود يا زمان وأرجع تلقانا مشاقين نحضن صباحك عيد نفرح نغني نشيد فيه الصباح عنوان فال المزارعيه سكان "بيوت" الطين فال البساهرو الليل ناسا هناها تعب تفرح كأنو العيد يوم تكرم الجايين ديل الغبش سمحين .. *** أصبحنا بي الله و آمالنا كانت فيك وأنتي العشم كلو تبقيلنا ضفة ونيل تبقيلنا غابة نخيل أو نسمة تسعدنا أو غيمة شايلة الخير يبقى الصباح غنوه مليانة بشرى وخير أصلو الصباح آية وأصلو الصباح عنوان |
حسين
سلام كلام بسيط ووهيط السهل الممتنع .. |
اقتباس:
بصراحة بصراحة حلوة جدا جدا امالنا فيك كيبرة انك تزود العيار حبيتين مودتى سارة[/color] |
الصباح من القصائد القديمة نسيبا،، ولكني في حالة عشق معها،، الرائع ود الطاهر (هكذا أحببت) سعدني توقيعك وان شاء الله كما وعدت الجديد قادم.
سارة بت عبود .. لك الشكر على التوقيع الانيق خالص الود |
اقتباس:
الأخ حسين محى الدين صباحك سعيد وبخيت كلامك سمح وموهط وفييو بساطه محببه, حباب الموهبه والإبداع.. اقتباس:
كلامك دا ياحسين بذكرنى واحد صاحبى إسمو (طارق) وواحد تانى إسمو (جقجق ),:D :D بيصحوا الصباح طوالى عطشانين , ماعارف ليه..??:cool: |
انا جيت اقول صباح الخير--واشوفك كيفن اصبحت
|
الجيلي
أشكرك على كلامك الرقيق هذا وكلنا عطشى لنرى هذا المليون ميل في أمن وامان واستقرار حقيقي،،، omrashid صباح الفل لكما جزيل الشكر |
| الساعة الآن 10:31 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.