أشرِقى
[align=center]أشرقى
يا وردة أحلام المواسم وأسكبى يا شمسنا ضو من بهاكِ ولونى حزن المدارات واكتبى زهو العوالم بالسنا وإدفَقى اشرقى يبقى ليل القصة بى ضوك حقيقه ينفتح أفق المنى نور من مساربك من وجيهك يا وجيهك يا حديقة يا أماسى على ضفايرك بى نجيماتا الأنيقه طرزت موكب حضورك بى تراتيلا العتيقه ونشتهيكِ بيناتنا روح الليل قصيده قدامنا سدرة منتهى المنيه الوحيده وبى ورا الوجع العنيد تضارا دمعات الهيام وتبقى المواعيد البعيده قريبة زى حبل الوريد حنينه زى همس الحمام فرحانة فرحة سنبلة مدت عيونا وتاوقت جيهة الغمام وأسرع وأجيكِ أنده غناوينا الضنينه وأندهك شان تدهشى اللحظة وتجينا وتشرقى اللقيا يبداها النهار اللهفة من شوق العيون والريد أمانى وإنتظار وتدفّقى شلال من الطيبة وسلام حكاية عذبة وزاهية عن معنى الوئام بس كيف تهلى وتشرقى فى عتمة الوحشة الكبيرة بنشتهيك وتشتهيكِ معانا أفراح الكلام ومن بعيد نتشابا ليك من جوه أحلامنا الأسيره يتناولك وَلَهْ العيون فى كل ومضه وكل خاطر وليك نسافر نشتهى الوهج المفرهد فيكى كون نقعد مع القمر المساهر ساعة تهلى وتشرقى تنسابى تيار فى المشاعر ونحتويك جوانا فى النبض المهاجر ساعة تجى وتتألقى ساعة تهلى وتشرقى[/align] |
فرحانة فرحة سنبلة
مدت عيونا وتاوقت جيهة الغمام دا كلام سمح عديل كدا ... و و صف فات حد الوصف أريدك .. بفتح الألف وفتح الأحضان .. |
اقتباس:
ياسلطان الشعر ومليك الكلام هذا نص قديم ولكنه ظل يشعل اللهفة في داخلي كلما اقتربت منه ..! قارب الشوق أيا قارب الشوق .. تشق عباب بحار الغياب ... بحثا عن شط الهوي.... تمخر في امواه عيون حبيبي ... حيث الشذي والبهار ......... شراعك وله ... وجد .. وانبهار .. مجاديفك امنية مستحيلة... حبالك قمر طالع من سماء الغناء الجميل .. موجك مطر هوي هطال ... ساريتك ... ارتياح الافق الازرق على قصائد العشق ... ربانك حكايات وبشرى ..... تطل تضئ على نوافذ ليل الذكرى ... رياحك مزامير الفراق ... تولول في افق ... التنائي ... مدك لقاء اسطوري القسمات ... لجذرك .. ينهض من ركام الحزن ... افقك ... حلل الضوء ... تلبس قباب الشجون .... منارتك خلجات النسيم .... تسبيح ليلي ... يبعد عني طيف حبيبي.. ساحلك حلم ساحر ... لقاء امسي وغدي .... ميناؤك لحون العودة ... اهازيج الفرح ... انطلاق الصمت ....مزلزلا عرش الكلام ... ترنح الكلمات ... سكري بخمر اللقاء ..... .. ................ |
يا سيد القوافى
هذا من نبض الحروف الضنين من تباريح السكون... والعتمة لعل بعض هذه ...الحروف تشبه بعض الدواخل وتسكن...مساحة حزن ..او..تحتل طيف همس شكرا...وهجاً... |
اقتباس:
فلماذا تتشابى، إذن، و "تتشـالق" ممتطيآ ومضةً و خاطر؟.. أبلغ وَلَهْ العيون أنّ "العـيون" ترصـد نبضات عشـقـه العـطـر..و لا داعِ للإنكار.. |
اقتباس:
قول آمين تعرف القصيدة دى يا معتصم لميت فيها فى الإجازة الفاتت فى السودان، لقيتها مؤرخة فى 15 يونيو كم وتمانين كده، وللأسف السنة ما ظهرت كويس عشان الورق بقى قديم و"مكرفس" قلت احتفل بيها ومعاها واعمل ليها عيد ميلاد والغريبة إنه لسه نحن نمد فى العيون ونتاوق جيهة الغمام وجيهة الشمس ثم أريدك إنت مطراً جا وسقى التيراب |
اقتباس:
هذا الحوار المطرز بالندى، بين القارب بشوقه الدافق والشوق بقاربه الذى يمم وجهه ووجهته صوب الروح هو همس موشى بالتعب وما تبقى من ابجديات الخلود مداده دم عاشق يسيل على جنبات الكلام فينتشى الكلام ويعانق اللحظة، ليستحيل جسد الوقت معبدا لتراتيل الأشواق العصية نغنى ونرتل ونعشق ونموت نموت شوقا وعشقا لنحيا ثم ها إنتِ من جديد تمنحين الأرضَ طعمَها وخصبَها يسيرُ إليكِ غناءُ النهرِ يحملُ فى اليمنى صندلَ العشقِ الموشى بالعطرِ وفى اليسرى مكتوبٌ إسمُكِ معنى العيدِ ذاك الذى تفتحَ فوق خدِ الأغانى من وردِ النشيدِ |
اقتباس:
صباح الندى والعبير إنه بعض مما تضمره الأرواح يخرج حين تعربد بها هاجسات العشق، ويسكنها الهيام يستعمر أرضها ويجوس فيها آناء المحبة وأطراف الوجد تحياتى لك كلها والسعد كله لى بحضورك البهيج يا أمير |
اقتباس:
يا صاحب الجمال الوفير والله لم أأسرها يا الطيب لكنها، وطالما أنها لم تتحقق، فهى سجينة تقبع فى عمق أغوار الروح ولكن لابد من الحلم وإن بعدت الشمس لابد من الغناء وإن طال العناء ولا إنكار اليوم لا إنكار غداً اليوم عشق، وغداً عشق وليس كما قال ذو القروح، أمرؤ القيس |
إضغط السهم للتشغيل
[flash=http://www.youtube.com/v/pe-MIDDfckw]WIDTH=400 HEIGHT=350[/flash] هدية لكم... و ذكريات مرور أعوام قاربت العشرين أو زادت على القصيدة لك الفرح يا أباذر في كل المواسم و لك المواسم الأربعة لفيفالدي (أعرف حبك لها ....إن لم تخني ذاكرتي) |
اقتباس:
شفتى كيف الأيام بتجرى كل يوم ياخد شوية من "الحصة المقررة" من العمر وقدر ما ننسى شوية، تظهر حاجة تقول لينا عاينو كدى فى وش "الساعة" أو اتصنتو لى دقات القلب، وما هى إلا دقائق وثوانى زى ما بقول بيت الشعر المشهور ما علينا خليها تمشى زى ما عايزة ونحن برضو نمشى زى ما عايزين فيفالدى الإيطالى الطاعم والفصول أو المواسم الأربعة، هى الماستر بيس بتاعته شغل فيهو إبداع ما عادى والله يا حنينة وغير كمية الجمال والمزيكا الفيهو، خاصة الوتريات، عندى فيهو ذكريات حميمة جدا حتة سمحة من حتات العمر الما سمح شاكر ومقدر ومبتهج وفرحان ليك وبيك |
| الساعة الآن 04:32 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.