الفالنتاين
انتو عيدتو..؟؟؟
في ناس مقتنعة بيهو شديد..!!!! هو العيد دا جا قبل النت ولا بعدو..؟ تعيش كثيراً ترى عجبآ !! انا والله ماضد الريدة.....;) لكن ضد يخصصوا ليهو يوم..!!! جعل الله كل ايامنا حب وسعادة وكل ايامنا ( فلتنة..:D |
لا عليك يا صديقة و لا تبالي،، دا شغل مستشرقين و مستغربين و مخلوعين ساي..
تدثري بالعافية.. |
اقتباس:
|
اقتباس:
والله شيء يحير بدعة عحيبة..من ناحية الخلعة منخلعين خلعتن حمراء. :D اللهم جنينا البدع.. نفسي أفهم ايه علاقة الحب باللون الأحمر بما انك من كندا ورينا فهمن شنو..!! دمت بكل العافية.. |
اقتباس:
|
بسم الله الرحمن الرحيم
:D:D يا مرافئ ، سلام كتير ما يزعجنى هو ( الغلو ) فى وصف هذا اليوم بعضهم يعتقد جازماً أنه مناسبة للفجور والرزيلة لا أكثر كل حدث يمكن ان يشذب ويسودن ويغلف بإرث المجتمع وتقاليده بالرغم من ان كثير من إرثنا وتقاليدنا تجاوزها الزمن تحياتى |
اقتباس:
والله يا النور اخوي مجتمعاتنا العربية بيئة خصبة جدا للتقليد والمحاكاة البلا فهم ..!!! اللهم لا تمحنا ولاتبلينا..:confused: |
اقتباس:
تحياتي مرافي وكل سنة وانتي طيبة في الحقيقة ما كل تقليد بالسؤ الذي تصفينه حيث يمكن أن يكون مصدر سعادة للبعض من رهق الحياة في عصر أختلطت فيه الدعوة للقيم بمكاسب السياسة وتحرش المتطرفين ... فقط علينا أن نشذب المسائل كما قال النور ... وأنا شخصياً أحتفل بعيد ميلادي - وهو تقليد مستورد - وأسعد به بطريقتي الخاصة ... فـ شنو مرات بشتري كتاب أفتتح قراءته في اليوم المعني ... ومرات بمشي السوق بعيون محتفلة والناس من حولي مشغولين بمطالب الحياة .. وآخر مرة كتبت حكاية عن ريدة سابقة وقطعت وراها كباية شاي ودمتم. المهم أثناء كتابتي للحكاية: قدر ما حاولت أستغيد ما كانت تفعله فيني تلك المفعوصة ما قدرت. أسع كان في فلنتاين سنوي كان الواحد أحتفظ بالذكرى طازجة. ههههههه ولتقريب وجهة نظري في إمكانية الإستمتاع بالتقليد، أرجو أن تسمحي لي بقص تلك الحكاية في مفترعك هذا. |
سلمات يامرافي وسعيدين بالطلة
الغريبة قالو عيد الفالنتاين دا ماعندو علاقة. بالرومانسية وانه أساسا أقيم لتكريم اتنين من القساوسة تعرضواللاضطهاد والقتل بسبب اعتناقهم المسيحية |
في شباب سودانيين. وزعوا هدايا لأسر محتاجة. في اليوم دا ووسعو معنى المحبة. يبقى لا ضير ان يكون هناك يوم للمحبة بكل انواعها. مادام الأصل ليس الرومانسية
ثم انه مالو لو احتفلنا بالحب ورمسنا تبادلناالهدايا والكلمات الحلوة وخلقنا جو حلو مرة في السنة يكون مختلف واتفرغنا لأنفسنا شوية. وما في مانع انه يكون نفس اليوم القننوا الناس السبقونا في إبداء مشاعرهم مرافي. فيصل ناصر النور وابوجعفر كل سنة وانتو في كامل المحبة وماتخجلوا من المشاعر الحلوة ياخ |
اقتباس:
هههههههههه هسي أنا ده دحين ما بحبببببببببك وبحب مرافئ ست البوست ده وبحب كل المتداخلين هنا والماااااااااااا إتداخلوا ذاتو ياخ المافي شنو علي قول الود قيقا راوي ههههههههههه ثُمَ إنو هسي عليك الله جية مرافئ البوح الشفيف هذه العرجونة ما بيفرح الواحد ويخليه يقول ليها إني أحببببببببببببببببببك ظاتو ياخ تسلموا جميعكم ولكم من القلب محبةً يعلم مداها الله |
شكلك كدا يا ابو رحيق كترت الجنزبيل،، و طبعا مع البن المضروب بتعمل نتائج عكسية :D:D بعدين ياخي كيف تطلق هذه التصريحات و انا حي و موجود،، غايتوا الحمد لله أعلنت حبك لهذه الباذخة،، و جليت و نسيت و اتناسيت أختها العزيزة، إلا و كانت السكاكين و السواطير تطاقشت بشرر كثيف :D:D.. حالتك بهناك قلت خشمك عندك...
يديكم العافية.. |
اقتباس:
ارجع لما كتبت لم اصفه التقليد بالسؤ ولكن ماعنيته هو التقليد الاعمى اذ ان ماينفع مع البعض لا يتماشى مع البعض لاختلاف الثقافات والتربية بالعكس هناك بعض التقليد ايحابي كما ان بعضه مسخ لا يشبهنا ولا نشبهه.. دمت ابو جعفر.. |
اقتباس:
والله انا زاتي قريت حاجة زي دي..! ! حقيقة ولا (نجر ) ماعارفة. بس طالما فيها حب مرحبابا..ولكن...مع بعض التحفظات.!! |
اقتباس:
وقع ليك يا جيجي..حبيبتي.. دمتي بكل الحب والالق.بعيدا عن الاحتفالات المفتعلة المحبة احساس وليست طقوس..دا رايي غايتو ! |
| الساعة الآن 05:45 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.