خرج ولم يعد اوصافه كالاتي
 

*خرج ولم يعد*
اوصافه كالآتي،،،،
وطن حدادي مدادي،، ،،
ناسه متسامحين،،، طيبين،،
راكزين ،،،،،، اسياد الفزعه و إكرام الضيف،،،،
ناس،،،،
*كان عندك خت،،، كان ماعندك شيل*
ناس اتفضل يازول،،، ابقى داخل،،،،
وطن جميل و ناسه أجمل،،،
*وطن خرج و لم يعد،،،*
لأسباب و مسببات،،،
ما بيده،،،
غصباً عنه،،،
وطن خرج اكتر من ٢٧ عاما،،،،
خرج من منظومة العالم،،، كوطن يستحق الاهتمام به، وبي انسانه، وبي تنميته،، وبي رفعة شأنه،،،،
لكنه،،،،
خرج،،،، و خرج معه سكانه،، مجبورين،،،، خرجوا،،،، كسبا للرزق الحلال،،،،
خرجوا احتراما لكينونتهم،،، خرجوا لحفظ ماء وجهم،، خرجوا مقهورين،،،
و تركوا وطن يبكي،،، تقسمه الظالمون،،،، و بتروا جنوبه،، أجمل جزء منه بلعبه سياسية قذره،،،،
و خرج الجنوب بغير رجعه،،، لكن الأوجاع تكاثرت،،،
بالأمس،،،،
كل الإذاعات و القنوات الفضائيه،،، و كل وسائل التواصل الاجتماعي،،،
كتبت و ذاعات و بثت،،،،
عن،،،،
*خروج السودان من قائمة الدول الراعية للإرهاب*
اليوم ده عده ساي،،،،،
لأنه بنستاهل ،،،، لأنه الإرهاب ده مابنعرفوا،،،
كده بنقول،،،،
عاد الحبيب المنتظر،،،،
وكده بنغني،،،
بلادي انا،،،،
بعد كده،،، بنفتح بابنا،،،،
بكل ثقه،،،،
بكل شجاعه،،،،
بكل تفاؤل،،،
نبني وطنا،،،، بي حقنا،،،،
نبني وطنا،،، بي جهدنا،،،
نبني بلدنا،،، بي عرق أولادنا و بناتنا،،،
توبه،،،، تاني توبه،،،
لا شحده،،، ،،،
لا دين،،،، ،،
لا وديعه،،،
*زراعه بس*


*د. علي الشيخ*
*الحنين*
*امدرمان*
*١٦ ديسمبر ٢٠٢٠*

اللهم آمين ، هنيئا بالعودة .. ونسأل الله أن يحقق احلام هذا الشعب الصابر .