يا عكود الحق، نقطة نظام
يا صاحب العقل الرزين والقلب الحنين
بالله عليك في سودانيات قريت "من القصص العجيبة المريرة" كلام كتير حار وفيهو المرارات الخاصة إتحولت الي أمور خطيرة والغريب فيهو أنو القصص العجيبة إتغيرت لي قصص محيرة. العزيزة بيان مطلوبة أن تبرد نفسها في البورد دا وزعلها تصبو في الأفراد العندها معاهم مرارات ما في الجميع. اقتباس:
اقتباس:
برضو شايف قريبي اقتباس:
ما عاوز أخوض كتير يا عكود الحبيب في بورد النيران دا وعاوز أضم صوتي للدكتورة العزيزة أم راشد في قولتها اقتباس:
إن كان ضروري أفتكر بمنصبك تحد من هذا لك الشكر والرجاء من المشاركين مراعاة مشاعر الأخرين |
حبيبنا مخير
كيفنك يازول يازين وعساك طيب أسمح لى بمداخلة صغيرة أتمنى أن يتسع صدرك لها, وأنت من سعى بيننا بالإلفه وحسن التهذيب.. -لاأرى داع للإستنجاد بالإدارة فى حوار يخص العام, والحوار هذا لايزال مفتوحآ وهو بالمناسبة غير قابل لأى شكل من أشكال الحسم النهائي والقاطع,.. - أرى فى تشريحك كثير خلط ومطالعة جانبها الصواب فى فهم المراد توصيله, فالحديث فى ذلك الخيط لم يقصد به أهالى دارفور, ولم يعنى بتتفيه أو تقزيم معاناتهم أو نضالاتهم الحقه لإذالة مظالم الحقتها بهم النخب الحاكمة والسيستم الذى يحتكر فيه المركز كل شئ, بل قصد أولئك المتاجرين بقضايا أهلهم , المقصود أولئك التجار الذين لايختلف مشروعهم هناك عن مشروع الجبهة بأى شئ, المقصود يادكتور هم المناضلين الكرتونيين الحالمين بنصب مشانق جماعية للشماليين بزريعة تواطؤهم جميعآ فى مأسأة دارفور.. -هذا حديث طويل وأنا شخصيآ على إستعداد لمحاورتك فيه كى نبدد أى سوء فهم قد تنتجه القراءة الخاطئة بكل حسن نية.. لدى تجارب فى حوار هؤلاء التجار ويمكننى مدك بعينات لتفهم أن المقصود ليس إنسان دارفور. - تابع هنا وهناك لتعرف أى إختلاف فى الرؤى يجمعنى مع بيان, ولكنى هنا أرى أن مطالعتنا للواقع لم تختلف, لأن الخلاف لم يكن فى أصل الأشياء والقضايا بل فى رؤيتها وطرق معالجتها وهى أمور تختلف فيها إتجاهاتنا الفكرية ولكننا سنتفق دون شك ضد أى متاجر بقضايا الوطن وهموم إنسانه - فى الختام أتمنى أن نرى طرحك المغاير فى البوست المعنى وليكن خلافآ فى الرؤى نتعلم منه جميعآ.. ولك الود |
قريبى ود مخير سلامات
يا اخى انا حددت من اعنيهم-- فذكرت هذا--- هى التى نصبتهم فى اجهزة امنها وفى بيوت الاشباح لقد اذاقتهم طعم السلطة والتحكم فى العباد فافتتحت شهيتهم ونمت تطلعاتهم ليعيدوا حكم ودتورشين --لماذا دفن الرؤوس فى الرمال--انها الميكافيلية الجديدة التى تسمح بعذاب الالاف وتشريد النسإ وبيع الاطفال فى سبيل الوصول للسلطة- --- وذكرت ايضا هذا--- وانا عندما تحدثت عن الذين يحلمون بأعادة نظام ود تورشين انما اعنى بالتحديد اؤلئك الذين مارسوا التسلط على العباد تحت امرة عراب الانقاذ حسن الترابى-- وبعد الانفصام ذهبوا واشعلوا النار فى دارفور--تلك النار م التى لم تعالجها الانقاذ بالحكمة--ومن اين لها الحكمة-- فزادتها اشتعالا بما ارتكبته من جرائم فى حق المواطنين العزل--- اعجب لهؤلإ النفر لماذا يرفضون التفاوض-- ام يريدون للوطن ان يتمدد جنازة هامدة مرة اخرى لتنهشه الضباع الواردة من ورإ البحار--- ما اشبه الليلة بالبارحة---- |
استاذ بابكر .....
اولا استأذنك انى اكون صريحة .... انا قريت بوست الدكتورة بيان وغضبت معاها لانو بعتبر مثل هذه القصص وغيرها تشويه لقضية دارفور ولا تخدمها وفيها نوع من الاستخفاف يعقولنا نحن المتلقييين وغضبي كان لقضية دارفور ولصالح عارف حاسة بأنو القضية دي اكتسبت حساسيتها لانو طارح البوست شمالي ودا زي الانسان البيفخر بما عندو بنعتبرو عنصري مع انو اهل الغرب والجنوب بيطرحو فكرهم وثقافتهم ونحنا بنتلقالهو وبنعتبرو جزء من سوداننا الحبيب لكن لما الشمالي يقول انا شمالي الدنيا تقوم ما تقعد عارف بقيت احس انو اهل الشمال صارو محاربيين في شماليتهم كفانا متاجرة رخيصة بقضايا الوطن ودعونا لا نزيد في جراحاتو وللصحافة الصفرا احترمى العقول وعندي تحفظ علي العنوان وعنوانك عندي بيطرح تسأول هل يجب علي الادارة التحكم في طرح الاعضاء والحجر علي حرية الكتابة ما اظنك ترضاها |
الأحباء
نسايم، حجر الحريات ما بيندار ولو كنا بنرضا بيهو كنا حسي مع ناس البشير الظلمة في السودان مستكينين ومبسوطين معاهم وداخلين في المولد السيدو غايب دا، ما قدرنا علي الصبر هناك وربنا أدانا فرصة الهجرة (قلبي مع المساكيين المتنجضين بظلمهم من أهل وحبان في جوا السودان) لكن في مواضيع بتثير نعرات وممكن لي زول من أول وهلة تحز في نفسو ودا إنفعال طبيعي، ممكن بعد حوار يرجع عن قناعة أو يتراجع ممكن دون قناعة. قريبي هو المصيبة الشين الوشو بس كراس حساب دا كان أول شنو؟ تعرف الحكمة أنو الراس المدبر محسوب من الغرب برضو لكن في ناس من البحر، أشد ظلما، ما هو حسي طار وفي راسها ناس البشير وعلي عثمان، إتصلحت ولا برضو البكا على الماضي ونقول أنو في الأول. قالو؟ لمن تشتغل كتير غلطاتك بتكون أكتر ولمن تشتغل شوية غلطاتك بتكو أشو، ودا برضو بينطبق على الكلام، أخير لو ما سكتنا ننضم شوية. الجلي سيد عيد الميلاد كل سنة وإتا طيب ذي ما بيقولو او ممكن يقولو؛ النقاش لايفقد للود قضية بحب الزول وحتى لو كان سياسي منظم بيطلع الحقيقة ودا مية في المية البيخليك تختلف مع الدكتورة بيان وتتفق معاها في الأشياء مختلفة وحتى أنا برضك فتحتا ليا باب نقاش لتبادل الرأي وإنشاء يبقى فاتح على طول. الأحباء على آي حال ما قصدي أنو الدكتورة بيان التي أحترمها وأكن لها كل المودة؛ لها قصد سؤ ولكني بروح الإنضباط الذي كل واحد مننا يتمنى أن يسود سودانيات، قصدتا لفت نظر الحبيب عكود أنو بي إسلوبو الحنين الراقي، يراعي المواضيع التي ربما تفهم خطاء وتثير البعض، ما هو ذي كدا البعض ممكن يكون إفتكر أني محموق (محمود المليجي). همسة سودانا بنحبو وبنحب كل البحبو |
الأحباء
نسايم، حجر الحريات ما بيندار ولو كنا بنرضا بيهو كنا حسي مع ناس البشير الظلمة في السودان مستكينين ومبسوطين معاهم وداخلين في المولد السيدو غايب دا، ما قدرنا علي الصبر هناك وربنا أدانا فرصة الهجرة (قلبي مع المساكيين المتنجضين بظلمهم من أهل وحبان في جوا السودان) لكن في مواضيع بتثير نعرات وممكن لي زول من أول وهلة تحز في نفسو ودا إنفعال طبيعي، ممكن بعد حوار يرجع عن قناعة أو يتراجع ممكن دون قناعة. قريبي أبو علي هو المصيبة أب وشين شين بس كراس حساب دا كان أول شنو؟ (سيد قضية مباني الشرطة) تعرف الحكمة أنو الراس المدبر محسوب من الغرب برضو. لكن في ناس من البحر، أشد ظلما، ما هو حسي طار.... وبقى في راسها ناس البشير وعلي عثمان، إتصلحت ولا برضو البكا على الماضي ونقول أنو في الأول. قالو؟ لمن تشتغل كتير غلطاتك بتكون أكتر ولمن تشتغل شوية غلطاتك بتكون أشوا، ودا برضو بينطبق على الكلام، أخير لو ما سكتنا ننضم شوية. الجلي سيد عيد الميلاد كل سنة وإتا طيب ذي ما بيقولو او ممكن يقولو؛ النقاش لايفقد للود قضية بحب الزول وحتى لو كان سياسي منظم بيطلع الحقيقة ودا مية في المية البيخليك تختلف مع الدكتورة بيان وتتفق معاها في الأشياء مختلفة وحتى أنا برضك فتحتا ليا باب نقاش لتبادل الرأي وإنشاء يبقى فاتح على طول. الأحباء على آي حال ما قصدي أنو الدكتورة بيان التي أحترمها وأكن لها كل المودة؛ لها قصد سؤ ولكني بروح الإنضباط الذي كل واحد مننا يتمنى أن يسود سودانيات، قصدتا لفت نظر الحبيب عكود أنو بي إسلوبو الحنين الراقي، يراعي المواضيع التي ربما تفهم خطاء وتثير البعض، ما هو ذي كدا البعض ممكن يكون إفتكر أني محموق أو محمؤ (محمؤ المليجي، بالمناسبة فيني عرق منهم وإن واحد قال حاجة برضو بنط ليهو في رقبتو). همسة سودانا بنحبو وبنحب كل البحبو |
[align=justify]العزيز بابكر،
ألف شكر على حُسن الظن والحدب على روح الحوار وحرصك على عدم إثارة النعرات. توضيح الجيلي وحسن فرح ونسايم لا يحتاج لزيادة تعقيب منّي، وهكذا كنت أرى مسار الحوار في البوست المعني. لكن رغم ذلك لك كل الحق في المبادرة بالتنبيه لما تعتبره خروج عن المسار، ومن حقّك علينا أن نستمع وأن يتم التوضيح. ليتك وغيرك ينبّهنا إذا غفلنا، وما أكثر غفلاتنا، وليكن ذلك برسالة داخلية ما أمكن. كل المودّة والتقدير لك وللمتداخلين/ات.[/align] |
| الساعة الآن 04:10 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.