خاص بقريبى بابكر مخير--ونسة خميس مع سيجيمان---
|
هو وينو الصبر
الحبيب وقريبي العزيز
عليك الله إن في صبر القراية الكتيرة دي، ما كان زمان عالم ذرة (بدون آت) ولا كنتا بكون في مستشفى العيون (عشان عيوني بتكون إقددت). لي جهلي بي قصدك قمتا عملتا مسح عشوائي للمواضيع، أكون عرفتا دكتور عادل الصادق (يا ربي، هو ذاتو) بالله لو هو بتمنى ليه كل الصحة والعافية وإن ما هو برضو لدكتور عادل بتاعك الصحة والعافية. تعرف كلمة الهجين الطالعة الأيام دي والحكمة برضو مربوطة بالغرب (دارفور) وذي ما قلتا ليك هي البتربط بينكم يا أهل البحر وأهل الغرب في دمي، يعني لو دايرين جد الصلحة بيناتكم جيبوني رئيس:D:D والله الشاعر المظلوم أتذكرو والبروفسير المهموم آتفكرو وحتى فريقين الهلال والمريخ أو آي فريق مهزوم ما بتنكرلو. تعرف يا الحبيب الإستنساخ والعرس وعدمو كل الهيصة دي القصد منها إستمرار الحياة، وهي الثقيلة شن نفراها، مع ناس بوش والبشير، والطير في راسنا يفرغ الفي بطنو وصوت الحمير، ومنياوي وسلفاكير. كلها وهم :mad::mad::mad: الخال أحمد ود بدري في لحظة صفا وهو ربنا يديهو العافية بينز صفا، ربنا يديمو ليهو قال ليا: (قالو لا حياء في العلم ومن أحمد الشاطر يتعلم) الرباطاب أقرب ناس من الإنجليز:eek:، قلتا ليهو: كيف:confused::confused::confused: ردو برطابيتو الزايدة قال: بنقول الظق والإنجليز بيقول شيت وبنقول ..دك وبيقولو آس ..ل. همسة:p:p ليك محبة القرابة والمودة من أهلي الغرابة |
الحبيب بابكر
كما توقعت وجدتك عند حسن ظنى--شعرت انك قد انفعلت -قلت ياخى الزول دا لازم تخفف عليهو اتلفت جاى جاى لقيت ليك سيجيمان فى احسن حالاته- هو ذاتو--رباطابى ما بتجارا--- لكن ان جيت للحق انتم البحر-دارفوريون-دوركم وواجبكم مضاعف--معا جميعا فى مواجهة ظلم الانقاذ وبالزيادة عليكم فى لجم تطرف ومزايدة الحركات--و ما ذكرناه كان يجب ان تسبقونا عليه--الم تشاهد عبدالواحد وهو يرغى ويزبد من باريس مناديا باستمرار المعاناة لاهله--الم اقل لك انها الميكافلية فى اسوأ حالاتها- -تياتى لابن العم احمد بدرى-رفىق الطفولة وزميل الدراسة الذى لم اراه منذ العام 1961 بجامعة الخرطوم-- لك تقديرى---v |
| الساعة الآن 05:00 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.