** تقلده منصب الامين العام لسودانيات اصابنا في مقتل ***
الاخ العزيز "عكود" بتقلده لمنصب الامين العام لسودانيات اصابنا في مقتل و :
حرمنا و حرم القراء من جمال حرفه الانيق و بوستاته المرحة المدوزنة معلومات و سير و مواقف. و فقدنا مواضيعه و مداخلاته و كثير من مواقف الجد و المرح الحميم. و كذلك فقدت جمعية البكاء و النواح و الصياحة "ببكي و أنوح و أصيح" :D:D:D عنصرا هاما و احد ثلاثي اعمدتها و الذي كان يدرع عمامته و يخر باكيا عند عتبات الشهقة و الضحكة :D:D و بعدم تواجده تراجع الباش الى "خبير فواكه" و تقوقع الخال الي "خبير ملتميديا" :D:D و حرمنا نحن جميعا من متعة تلك الاجواء و سحرها و تشويقها. المصلحة العامة على العين و الراس ... بس يا عزيزنا اغشانا مرة مرة و سيب الجفا و ارحم كفا :eek::eek::eek: |
اقتباس:
وإتا يافيصل قولتا الفي بالنا وحاقص في قلوبنا ودايرين نقولو شكرن ليك ولي عكود برضو ذي ما قال فيصل أدينا طلة، عليك الله |
اقتباس:
و انت برضو يا سيد المعزة :D، بريد البريدو ما تجافينا :D |
اقتباس:
وقصّرت أين نحن من عميد البكا السودانى .. عصمت العالم وسيد الفراش و متكئة البروش ..و صاحبة الولولة الذهبية .. ممكونة و الغائبة الحاضرة صاحبة العيون المواطر .والأشجان والخواطر .. .اشراق ضرار .. يا خوى دا بيت سداسى الأركان .. |
عدل لاضافة حرف
سلامات اخي فيصل
كان رأي دائما في ان تولي المناصب الاداريه في المنابر يقتل ابداع المبدعين بأنشغالهم الشديد عن الكتابه ولكن عزانا ان الاخ عكود كالبلسم اينما وضع مان شافيا لك وله خالص التقدير |
الحبيب الشاعر المهندس معتصم الطاهر... انت منحتنى شرف عمادة البكا السودانى...ولكنك تناسيت نفسك.وموقعك.وانت تلك الشلالات التى تهدر بدموع ازيز البكا..وتنوح بزفير الدوى الذى ينثر حبيبات تلك الدموع فتصل اقاصى الكون..وتبلله ..بدمع الرشاش.. ولعلك ايها الشاعر المهندس.قد مسيت..تلك الاغنيه التى قيلت فيك على مر العصور.. يا دمعى اللى اتشتت..يا دمعى الغلب ..اللقاط... وانت قد صنفت سيدة الخواطر ..التى حرمتنا من اشراقات ضيائها الوهج..واورثت الوجدان كل ذلك الحزن .والاسى.. كم نتمنى ان تعود وتنيخ جحافل خواطرها هنا..وتستمطرها علينا وتغسل بقطرات حببها كل تلك الادران التى خلفها الزمن العصى... ولعلك قد تناسيت عن عمد .ربان اعالى البحار..الادميرال خالد الحاج....واسطوله البكاى الذى جاب موانى العالم.. .ورسى بها..نائحا.وباكيا..وناثرا الدموع..على وحى الربيع الفتاك.. وتناسيت ايضا..شيخ القبيله ورمزها..البكاى الاعظم..عكود.. ذلك الفتى الذى كسرته غرودت العيون ..فاصابه ذلك القصور البصرى الذى لا يرى إلا بدونها.. وهنالك من تخلفوا..واخفوا ملامحهم.واثروا البكا الصامت.وهمو كثر..حدث ولا حرج... والقادمون الجدد... مجدى مسعد حنفى..الذى اخترق صراخ بكائه المر.محاجر الزمن واتى مدويا..ثاكلا.نائحا..متخنجا..ومحشرجا.. وهذه اقصى حالات البكا..حين يتخلط التخنج مع الحشرجه فى اداء مشترك .يؤدى الى سوء حال شديد الخصوصيه..والى ذلك الانين..الحنين وربما فتحى مسعد حنفى..وبالطبع البديع فيصل سعد..فلجلجت ثباته مضطربه..وراجفه..وما اشبهه بسلطانية الجلى .التى اتعبت هى والملعقه..عم صديقنا المسطول الذى شاهد اهتزازات الجلى..واصابع عمنا العجوز.تلك الهزات التى فاقت مقياس رختر الشهير لقياس الزلزله.. الشاعر الباشمهندس معتصم الطاهر... انت بحكم تراكم الخبرات تدرك ان .بكا الشباب هو اكثر تاثيرا.واعظم اثرا.من بكا مجامع من عبروا بوابات الخمسين.. افتكر كده..كفايه.. وانت اعلم بمجريات واسباب البكا.. ولعل اسم صديقك البكاى الاعظم؟؟دكتور المعزعمر بخيت قد سقط سهوا ..من قوائم الاحصاء.. كل الحب...والبكا.. وانا المساح. دمع البكا... |
اقتباس:
للبنج عكود ولكل الجميلين الغايبين: طال علينا فراقكم والله يا غايبين قدر ما ننسي العلينا برضو مشتاقين الخدود الشاربة من لون الشفق عند المغارب ديل خدودك سيدي .. سيد الناس يا سيد الحبايب العيون طرتني زول من اهله غايب والشعر في كتيفه يتهادل سبايب والله مشتاقين في عينيك تظهر لي دنيا دنيا شوقك فيها ظاهر الاماني الحلوه هايمة زي بحور ما ليها اخر الكليمة الطيبة منك زادي وحياتك لي باكر والامل فارد جانحو ديمة زي عينيك مسافر والله مشتاقين الغروب يسألني منك وأمسياتنا في شوق إليك الرمال الناعمة مشتاقة لي مشيك الطيور الراحلة في ضل المساء بتسال عليك كيف تفارق الضفة والنيل هان عليك والله مشتاقين طال علينا فراقكم والله يا غايبين قدر ما ننسي العلينا برضو مشتاقين. |
اقتباس:
حلوة يا فار :D:D ... و الله و الله و الله مشتاقين... [rams]http://sudanyat.org/agani2/mushtageen.wma[/rams] |
اقتباس:
مودتي.. |
اقتباس:
و لك انت التحايا و التقدير قواسيب قواسيب :D:D، و بجي يشرحها ليك براو.. |
اقتباس:
حبيبنا و استاذنا الفخم ابو وليد : تعلم تماما، اننا كنا في ازمان مضت ،عندما نصادف استاذتنا بالشارع نتركه و نغير خطوط السير و نساسق و نشاقق و تطول المسافة و السكك، فعلنا ذلك امام اساتذتنا الاجلاء كرف، عبد الرحيم الشيخ، حسين الغول و حسن عبيد رحمهم الله و احسن اليهم.. الآن الآن لك كل ذلك الاحترام و التوقير يا صاحب المقام الرفيع، و ناس الباش و جماعته ديل دايرين يورطوني معاك ساي لانهم Non-Omdurmanist و كدا :D:D لكن غايتو انت ترجف و الباش يرجف و ود الحاج يرجف دي جهجهة بت كلب :D:D للمعلقة و سيد المعلقة عكود زاتو. و نهدي ليكم اغنية تانية في البرود دا قبال ما ترفعوا الفراش و تقفلوا الكشف . [rams]http://sudanyat.org/hageeba/sudanyat.org.ss041.wma[/rams] كثيف الود و عارم المحبة. |
البديع فيصل سعد.. لانك امدرمانى ومن عيون امدر.صاحبة السر..ومن بيت المال.وسوق ام سويقو...ومسقط راس زعيم الامه الزعيم الازهرى..فانت ذلك الحريف الواعى... وبالطبع الباشمهندس الشاعر.معتصم الطاهر.وهو يلهث طوال عمره خلف ملامح الجمال..الذى فتنه.وشغله.وسكنه.واتعبه..فاتعبنا...!!وما بين الشاعر المهندس...وعكود..من خلافات وصراعات جماليه...وقتال مرهق وعنيف من اجل الحجز والحجر...والخصوصيه...والاستحواذ فالشاعر المهندس.من اكبر ..البكايين.ودعاة البكا..شيخ لا يشق له غبار..من دموع واهات..وتخنج... اما عكود ذلك السابح الساجد..المشغول والمفتون..بالجمال وبريق العيون..فانه ماكوك يقطع المسافات وهو يزرف الدمع السخين... وهنالك ذلك المقام الرفيع للبكا..الادميرال الربان خالد الحاج..وهو لايجارى ولا يلاحق فى البكا..انه فريد عصره.. وبالطبع هنالك عمالقه اثروا ان يختفوا من المشهد لكن تخنج اصواتهم يسمع وهو يبكون على كل ملمح بهيج... العزيز فيصل... انت تتلمذت على فطاحله من الاساتذه .وكلهم كان يكسرهم الجمال. ويعشقون الجمال ويهيمون به .ويقيدهم باسواره...ربما تعلمت منهم حفيف البكا..لكنك يا صديقى انت باوسع الخطى تسير لتلحق بركبك اعمامك الميامين... لك الحب |
فيصل أيها الجميل،
ياخي ليك كل ما هو يشبهك . . تداخلت أسباب غيابي وكانت المحصلّة حرماني من تواصلكم. سحائب حزن وبعض المشغوليات مسكوا الكي بورد من الإنطلاق، رغم أنّي أقرأ كل ما تكتبونه وأسعد بحديثكم الجميل. لكم العتبى صديقي . . فارضوا عنّي. هذا عن سبب الإحتجاب. أما نديهتك لشيوخنا الفوق ديل . . فهم قاعدين على الهبشة . . وإن أردت لنفسك سلاماً فلا تتلمذ على يديهما، ديل بيوردوك موارد لا قِبل لك بها يا فيصل وبيكتر ساساقك وسهراجك أرمي لهم طرف غنية وللا طرف همسة وتعال شوف!!! وطبعاً كل شيخ فيهم ليهو طريقتو، الواضح المفتشر . . والفاضح المستتر، وما تسألني من التفصيل. عموماً، أنصحك بعدم مجاراتهم، مافي مانع من المتاوقة مرّة . . مرّة . . بس ما تكتّر. الأحباب بابكر نوفل شليل، ياخوانّا حبّة حبّة علي، أنا ما حِمل معسول حديثكم وأنتم تملكون ناصية الكتاب. لكم منّي كل المحبّة. معتصم عصمت تلحقونا وتنجدونا وبي بركاتكم يهِل علينا الأدميرال لنفرش له البساط الأحمر تصطف على جنباته أجود أنواع المحارم الورقية منها والقطنية. لكما كل ما تفرضه روحانيات الحضرة. |
اقتباس:
نصيحتك بقت فرض عديل و قرض على كدا :D:D |
[frame="1 80"]
اقتباس:
دي اسمها شهادة خبرة من بيت خبرة عالمي :D:D علي باليمين يا الباشوات التلاتة مفروض تطبعوا الشغل دا و تبروزوة في صوالينكم العامرة ذخرا للاجيال القادمة .. |
| الساعة الآن 01:43 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.