عشق قديم -- فراق أليم -- يا سودانياتنا
وفى كفى
أحمل القلب ثم أقرأ فاتحة الشوق لأدلف إلى حيث الطيب والطيبة، وما بينهما لأحيى الصحاب والأحباب حضورا يمد لسان شوقه لوجه الغياب وأعتذر يملأنى إستحياء جارف لكل من سأل حراس بوابات الغياب عنا فقد تكالبت علينا مفازات التيه وجحافل المسافات بلؤمها المعهود وعلى أمل بمعاودة الغناء مع جوقة الألق ها هنا ثم أذكر أنه وفى آخر قطرة من كأس الفرح، ارتشفها قلب الود هنا كانت للمعشوقة العصية "سودانيات" وقتها كانت مثخنة بجراح الفرقة وتنافر الخلان و حزنئذ غنينا لها صبية حالمة مفرهدا فى ليل ضفايرك نتكى نغزل خيوط ريدنا البدا ويبدا الحكى ووجيهك المليان سنا كون من ألق إترص فى خاطر المدى كون من أغانى مدوزنا إلفة بشر نشوة سهر صبة مطر وعشان حدايقك وسوسنا من تالا حسادك يجيك شر الخطر محجوبة بالحصن الحصين مزروبة بى ريدنا المكين إسمك فرح طيبك طمح ومن طيب حدايقك وسوسنا فاحت نسايمك فى جميع الأمكنه محت بشايرك كل أحزان السنين شالت محاسنك كل قبح الأزمنة صبية حالمة مفرهدا والريد بدا شفنا معاك ريدة الناس محاوشاكى يمشى حداك طيب المعنى يغشاكى صبية حالمة مفرهدا ليكى المحبة وامنيات عمرا مديد ليكى المودة وأغنيات فرحة ونشيد ليكى الصباح والأمسيات أعراس وعيد وليك من قلوبنا الريد أكيد كل يوم جديد =============== أما بعد فالمحبة عليكم جميعا ونلتقى |
كم افتقدناك يا أباذر..
عُدْ كما عهدناك وكما أحببناك فأنت المُقيم فينا، عكــود |
صديقي ابو ذر
منو القال ليك غبت من دواخلنا؟؟ انت دائما في البال والخاطر وتجدنا عطشى لحروفك المتفردة التي تملأنا ودا وحبا وعشقا فهلا زدتنا منها (زدنا عشقا يا هذا ) اقتباس:
مع احترامي |
الزول الزين أب حالآ زين أبوذر
ما كان مثلك ليغيب عن الخاطر يا أباذر فقد زرعت فينا من الخير والجمال ما يكفينا ثمره دهور وظله وريف ماهو الرقراق وتبقي يا صديقي صاحب دار وسيد بيت فقد قامت هذه الزهرة سودانيات علي أكتاف أغانيكم (أبوذر، جورج،صلاح شتات،ملكة سبأ،تمبس، أبوجهينة) .... هلا بيك يا أبا آمنة وفرحة كبيرة والله |
مواسم الخصب قد بزغت شموسها .. فلتغرقنا بمطر الشمس وعدك الذي وعدت |
مرحب أباذر يا مطرنا
جيدآ جيت ...فلنغني غنوات الفرح |
[align=justify]يا هلا والله المطر
فعلا سعدت جدا بعودتك هنا تاني ... وياخال البيت بيتنا ، أمشي في مشيك وما تشيل هم وربنا يقويك يا مرحب تاني ابوذر المطر وهو نحن حا نرحب بيك في بيتك ؟؟ ادخل ياخ ....[/align] |
العزيز أبو ذر المطر
لقد سكت الصوت طويلا .. واختلط الزمان بالمكان.. وأنشب السكون أظفاره في عنق الأمل. والزهر الذي ارتفع يقبل غيامات المطر.. لا يزال منحنيا راكعا يقبل الثري.. يسأل عما جري!! إثرغيابك الطويل فمرحبا بعودتك الفرح وباقة ورد لقلبك وقلمك http://www.mzunh.com/files_s/worrd/05.jpg دم أبدا مطرا دم بخير |
أبا ذر
يا متجدد ومجدد فينا العشق .. |
ابا ذر ..
ساكن في القلوب دائما .. مكانك محفوظ والانتظار ود عم الصبر .. وحضورك اكيد .. لك الود وعودة الامطار الي ارضنا . |
و أمد كفى
حاملا القلب وما حوى من محبة خضراء متلفعا الشوق والفرح لعناق الأعزاء رفاق الضوء ، أهل المعزة العالية مثلما هم تماما وأنا فى كامل زهوى بكم ونشوتى أحييكم عكود أم سهى خالد الحاج إشراق حنينة بلقيس المجدلية معتصم الطاهر خالد تنقو وحتما تتربع فى الكف الأخرى وردة زرقاء لكل فرد منكم تمتد جذورها من عمق مسام المحبة لكم وحتما سوف آتيكم مجددا عسى أن "ينبل الشوق" وأسعد بكم |
مكرر
مع الإعتذار |
دائماً أنت حاضراً وإن إستأذن المداد منك غياباً ...........
لن تغيب شمس الإبداع يوماً وبنا أنفاس تنتظر ......... ألف ألف ألف مرحب بيك أباذر ...... وُدي ،، مُهيَّد |
:mad: :mad: :mad: :mad: :mad: :mad: :mad: :mad: :mad:
لا شوفتنا تبل الشوق ولا خبرنا يطمن ....وبعدين قلبي علي اخوي وقلب اخوي علي حجر الله كريم المهم حمد لله علي السلامة واجازة سعيدة وان شاءالله الاسرة والعيال وامونه بخير وعافية كما يحب قلبك تحياتي وخلاص المقاطعة والمفاصلاة ...خلاس انتهينا ...بث ومافي زول بيتدخل بينا علشان يبقي واسطة علشان يصلحنا ..خلاص |
أبا ذر المطر
أهطل أيها الغَدِق لم يصبنا المحل، ولكن غياب رذاذك، يورق فينا الشوق إليك! ثمة دائماً لحنٌ يهفو إليه الفؤاد، فهو يؤنسه ويستكين إليه، ويدمنه! أيها العازف الماهر، أيها المايسترو، ما تزال الأوركسترا كلها في انتظارك! لم تغب، إلا بمقدار ما تمكنا من ضبط الأوتار في غيابك، في انتظار المعزوفة الكبرى! هي بمقدار فواق (وقفة يسيرة بين حلبتين ) من سلسبيل حروفكم! أبا ذر أيها المطر إهطل! |
| الساعة الآن 09:14 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.