تاكسى جيفارا
[align=justify]
[align=center]تاكسى فى خدمة اعضاء سودانيات تاكسى يقدم كافة الخدمات مجاناً الى جميع الاعضاء (كما يقدمها تاكسى صديقى عبدوش) لدينا جميع الخيارات متوفرة:- كل مشاوير تحت خيار ديمقراطى - مشاوير لمساحات الاشواق الخاصة - مشاوير التواصل بين الاعضاء - مشاوير الاعضاء المسجلين غياب اتمنى انى يكون التاكسى له حضوراً فيكم فاانا سائق بسيط ونزيه من هذا الشعب فى انتظار اول مشوار[/align][/align] |
تكسيك دا قديم ولا جديد
طرحة ولا مشوار كان اصفر ما بنركبو فيه مسجل ولا بتتكلم كتير ولا بتسكت اثناء المشوار اكيد ما عندك عداد ولا صحي مجانا بتعاين بالمراية والا بتعاين قدامك بتاع شمارات ولا في حالك عندك مشاكل مع ناس الحركة هو تكسي شنو ذاتو مع الامجاد والركشة اقعد ارجي لي بكرة كان يجيك زول غيري |
اقتباس:
اول مرحب بيك كاول راكب للتاكسى ثانى المشوار ملح ثالث يحمل كل الالوان رابع تخطط برى شديد خامس بتاع الحركة بحن على ومابقطعنى الايصال سادس سريع جداً بسرعة الاشواق سابع اقول ليك حاجة ليك حاجة انا حارس الراكب الثانى |
حسن جيفارا
يارائع ياسائق البوباي تاكسي تاكس شواراع امدرمان القديمة صلحوها ولا لا مشوار كوبر ممكن تحياتي |
اقتباس:
انت الراكب الثانى للتاكسى ومشوار للمدرمان بت جروف النيل وريحة الداعاش وشوارع طين وبيوت من طين واهلى الطيبين دى امدرمان تسلم ياباسط للمشوار[/frame] فى انتظار الراكب الثالث |
تاكسى جيفارا
ما تخليها رقشة اصلو ركوب التاكسى ترف ذى اكل الطحنية عندنا فى الجزيرة. أتذكر مرة جدى العوض بحكى عن ناس مرتاحين قال مشينا ناس فلان اكلو و فضلو الطحنية. و الاغنية بتقول يا سائق يا رايق و الزفة ماشة بوراك وقف و قف و سوقنى معاك.
كل المشاوير تحت خيار ديمقراطى برضو طحنية...ما معاك فيها. لكن بركب و بدفع باقى حكى و معزة لسيد الاسم جيفارا الرائعون دوما مستعجلون فى قرارتهم الصايبة فقط الرحيل دون استذان و ترك الاسئلة معلقة بدون اجوبة_ تظل نقطة الضغف الوحيدة. متفقين انا ما محدد نحنا ماشين نلف بهنا ممكن الضريسة وردتها صفراء و جمبلة و فيها شوكة تبقى وردة نهديها لاول طفل قابلنا جارى للمدرسة و ما عندة ترحيل و مبلول بمطرة الصباح . نقيف هنا اشترى لى تمباك و بنتقابل |
جيفارا لك الود
يا تكاسى ما تكون نوع النكاسة البوديك مشوار من عمارة الامارات الى بحرى عن طريق شارع الغابة ( دى ليها قصة).... ووكل سواقين التكاسى يتشابهون فى العالم العربى فى القاهرة يتكلمون ويعرفون اى معلومة ... الاخ سودانى من لغتك وشكلك بس عرفتك والله عندكم حكومة عجب ديل ما خلوش حد فى البلد كلهم عندنا هنا . والاخ من الخرطوم انت قلت لى ماشى العتبة عشان تأخذ صاعوط طيب انا اعرف كمان مطعم الخرطوم وقهوة جى جى ومكتب اليو أن, انت يا عم معاك دولار؟ ودة ممكن اسمعك مقروس دى بتاعة حنة ورأأسة من عندكم بس هى مشاءالله ....والحكاوى تتطول ....يا جيفارة يا اخوى انا حاجز المقعد الورى عشان شوارعكم ما ياها والعجب سواقين الرقشات ....بس انت كاتب شنو فى عربيتك بروى ؟. تكسى سودانيات ويعنى تجيب ليهن فساتيين.......؟ولك التحية ......هنداوى |
ما احلى ايام التاكسى ونحن راجعين من الدور التانى من السينماء ايام البلد امن وامان وبتاع التاكسى قاعد مستنى الطرحة جنب سوق الخضار والليل قد انتصف وهنالك السكارى وهم يترنحون فى وسط الشارع وقبلتهم التاكسى الذى سوف يرحم الشارع منهم لكى يوصلهم الى منازلهم وهم امنين من الكلاب ومن القطاعى طرق هذا الزمان
وياليت ذاك الزمان يعود وتعود مملكة التاكسى واصحاب التاكسى الطيبين لك التحية اخ جيفارا وكل المنى بان ترجعنا الى الزمن الجميل |
سلام سيد التاكسي
انا بقا ماشة شارع النيل نفسي يا حسن اتمشي هناك و اشم ريحة النيل وابل شوقي شوية ;););) |
سلام يا حسن و مرحب بيك دائما :
انا جيتكم في تكسيك دا زول ونسة و نقة و طق حنك ساي و جايب ليك جالون احتياطي، احمد الله سايق الالتيما و مجدع و كان اصطكيت :D:D بدور مارسدس اخوي الخال ود الحاج، او لاندكروزر ود عمي عكود او نطيت في بي ام دبليو خالي الباش معتصم الطاهر :D:D تحايا يا احبة و مليون سلام .. |
اقتباس:
كدى اول فى التبادى نمشى نزور ابوخليل الفى السوق العربى المرحوم نشترى الصعوط عشان تتكيف وبعداك نمشى على اهلنا فى الجزيرة لتتعرف على عظمة التاكسى يعنى ماتشيل هم ممكن نصل فى يومين تلاتة كدا عشان تعرف عظمة التاكسى صاحب الامبراطورية الصفراء نمشى على الحواحشات ونضرب الموليتا شكراً المشوار انتهى لكن بتعاين الجبايات الفى الشارع...![/align] فى انتظار الراكب الرابعhi |
اقتباس:
الليلة انا طبعاً زول براى وعايزك تحكى قصة التاكسى البوديك مشوار من عمارة الامارات الى بحرى عن طريق شارع الغابة ( دى ليها قصة).... عايزك تحكى القصة للزبائن وبجيك راجع فى انتظار الراكب الخامس |
اقتباس:
التشرد والاود راجعين من السينما يتسكعون فى الشوراع وياكلون التسالى والمدمس ونحن لانقصر ننظف الشوراع منهم ونقطعة فى راس قطاعين الطرق والرباطية وعتاولة امدرمان اها ياولدى ياحليل زمان ايام لانك هسى الرباطية فى الكبارى والدوريات (جبناهم فزع بقو لينا وجع) فى انتظار الراكب السادسhi |
اقتباس:
انتى بقى يابتى مشوارك براك مشوارك خاص عشان كدة انا حاتهم بالمشوار دا واشيل اللستك الاسبير والعفريتة ونمشى شارع النيل وندوس الفرامل جمب المعدية وبعداك انزلك يابتى عشان تشمى هواء وتكونى قريبة من ذاتك وبعداك انا حاتونس معاك حبة شكرا يابتى المشوار روعة اليوم العمارات تتطاول وجزيرة توتى على مشارف البيع والنيل اصبح مكب للقمامة فى انتظار الراكب السادس |
لازال الراكب السادس ناقص
بس انت الظاهر ما عندك كمسنجى ؟ |
| الساعة الآن 12:06 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.