قالو الراجل يا جبل ... يا جمل ... يا رخمة ... !
ذكرها جدي ذات مساء ونحن "نتجابد" أطراف الحديث عن "راجل البت" ... قال بعد أن أرجع طاقيته للوراء و"هرش" الشيبات في مقدمة رأسه ...
شوف يا ولدي قالو البت لمن يعرسوها ياجابت جبل ... يا جمل .... يا رخمة ... الكلام دا كيف يا جدي ؟ (قلتها بابتسامة خبيثة بعد أن شعرت أن الموضوع ساخن) الراجل الجبل ... بشيل البت وبشيل أهلها وبكون ركازة وشيال تقيلة ... والراجل الجمل ... بشيل مرتو بس وما ليهو غرض بي الباقين ... والراجل الرخمة ... دا البشيلو نسابتو ... قاعد معاهم ماكل شارب .. الرخمة زاتا قالت أنا اخير من الراجل البقعد مع نسابتو |
اقتباس:
الأخ الكريم أبو شيبة... عندي غرام شديد مع الجدود و الحبوبات..و بفتكر أي كلام يقولوهو هو عين العقل و كفاية أنه نتاج و خلاصة تجارب عمر بحالو... عجبتني جداً أوصاف راجل البت دي...و إكتشفت إنو ممكوني راجل جبل...ركازة و شيال تقيلة... :o ربنا يحفظو و يغطي عليهو ... عندي سؤال صغير لجدنا العزيز... هل يعتبر الراجل (( رخمة )) إذا سكن مع نسابتو لكنه إستقل مادياً..؟؟؟؟ |
صديقي ابو شيبة :D :D
باين لي رجال الزمن ده كلهم رخم looooooooooooooool :p |
أستاذ أبو شيبة لو أديناهن وعنا عليهن دا يكون شنو
بعدين الزمن دا الرخم زاتو وينو |
اقتباس:
الجدود والحبوبات ديل تراكم معرفي ضخم ومعين لا ينضب للحكمة .... وهنيئاً لك بالجبل الركازة ربنا يحفظكم انتو الاتنين .. أما عن سؤالك الأخير تمت إحالته إلى صاحب الاختصاص للنظر والإفادة :D |
اقتباس:
كلهم ... كلهم ؟ لا لا أنا ما معاك في دي ... كدي حاولي أحذفي اجابتين أو اتصلي بي ممكونة :rolleyes: |
;) أها ،، يا جماعة،، أبو شيبة ورانا (أنواع) الرجال،،،
يلا،، واحدة من الأخوات تورينا أنواع (الأناتي)،، يا شنو؟؟؟ يا شنو؟؟؟ يا شنو؟؟؟ |
اقتباس:
دا يكون مروءة وتحقيق مصالح ودرء مفاسد ... وسيبك من المقولة سالفة الذكر |
اقتباس:
أبو الترابيل مالك داير تفتح علينا أبواب لا قبل لنا بها ... وإن كان سؤالك لا يخلو من الدسامة :rolleyes: |
| الساعة الآن 12:01 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.