يا جماعة ... ممكن ندخل
سلام يغشاكم جميعاً ، وكل عام وأنتم بخير ( دي لي رمضان ، والعيد يرضو ، أصلو باقي ليهو 16 يوم )
ممكن ندخل ونكون مُرحب بينا يا أخوانا ؟ أظن في أماكن فاضية 0 طيب جيبوا الجبنة 0 كمال |
حبابك عشرة بلاكشرة ياكمال
الأماكن تفضا ليك ياغالي...لو حبيت تقعد قدااااام في اللوج مع ناس هناي وهناي ديلك أنت (مخير):) وكمان لو حبيت تكون مع (الغبش) الزينا ديل برضو حبابك:D صادق المودة كمال |
عادل يا أخوي
شُكُر كتير وتقدير للترحاب ، لكن بيني وبينك قدام في اللوج دي ما بتجيب لينا الهوا ؟ تسلم يا صديقي كمال |
ألـف مـرحب بيـك يا كمال ..
البـيـت بيــتـك ومفـروش بحنـيـتـك .. |
اقتباس:
بطل سعال:( هو، العدد كمال لكنو؟؟ برضك أدخل تعال...loooolloooollooool إن درتا تستنى للعيد، عشان سلامك يبقى في وكتو، ما مسئوليتنا، لأنو الطلبات كتييييييييييييرة،،، لكنك حرييييف يابا نقشتها ودردقتا لينا ناس عادل و هشوم يرحبو بيك وش;);) والله دي واسطة قويييييييييييييييية:) مرحب بيكlooool ويازول ما يغشوك لوج وشعب وشماشة وحناكيش، هنا الناس بس؟؟؟ مشط :D:D:D |
هاشم يا أخوي
شكراً كثيراً للترحيب ، والدار عامرة بي ناسها وكل عام وأنت ومن تحب بخير وعافية كمال |
مرحبا بك
الف مرحبا بك في البيت الذي يسع الجميع
بيت سودانيات ..........والدار دار دارك أبقـــــــــــــــــــــي لي جــــــــــــــــــــــــــــوه |
بابكر يا ود المخير
تحياتي وكل عام وأنتم بخير يا أخوي .. كان العدد كمل ولا لا ، يا ني جيتكم تصدق ، كنت من زمان بتاوق ، أقول أدخل ولا لا ؟ أخيراً إتوكلت على الحي القيوم و توووش جيت دافر الباب ودخلت ، ووحياة خوتك لا واسطة ولا يحزنون وتقديري لكل من رحب بي 0 بعدبن يا أخوانا ما تملحونا ، إنتو داركم دي يا كافي اليلا عادمة الدخان ولا شنو ؟ الجبنة * وينا ؟ * بالمناسبة الجبنة لو ما بقت في جبنة طين والوقاية بي سكسك أحمر وأبيض وأسود ، والفناجين صيني ، ما بتلزمني ودا طرفي منها 0 شاكر ليك الترحيب بالحار كمال |
سمية
تحياتي شاكر ليك حُسن الإستقبال أنا قاعد في الصالون في ضيافة عادل وهاشم وبابكر0 |
اقتباس:
ويا خوى .. نحن الجبنة خقتنا بى شهقتا .. كان ما عجبك .. ديك ناس عسوم .. وبعدين حقت العيد ..براها ما تخمنا ساى .. اها مرحب بيك |
معتصم الطاهر
الرجل الزين سيد القهوة الليها شهقة يازول كتر خيرك للترحيب ، وبعدين نحنا عدة القهوة و ( لوازمها يعني باقي أدوات تعمير الراس ) لو الجماعة ما ختوها من الساعة أربعة عصُر ، باقي لي الفطور بيبقى ناقص 0 .... أها بعد دا كلو ندخلك في الحساب معانا كمال |
مرحب بيك يا كمال و حبابك الف ..
|
[align=justify]جيتونا في رمضان عشان كده ما ح نقدم ليكم الليمون ولا ح نهز ليكم الكانون لكن ح نقالدكم ونسالمكم بالأحضان ونقول ليكم حبابكم عشرة بلا كشرة ... وجيتن جيت أو جيدن جيد زي ما بقولن حبوباتنا ...وحبابك يا كمال ... تشيلك العين قبل الرأس [/align]
|
فيصل سعد
المشرف ياخي شاكر ومقدر حضورك ، وحباب ناس الدار ألفين كمال |
شبارقة
والله العظيم تنازلت عن القهوة ، وحتى قهوة ناس معتصم ..دا طرفي منها 0 ليك عظبم شكري وامتناني لكلماتك الطيبة 0 وتسلم يا غالي كمال |
| الساعة الآن 08:52 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.