ودعتكم الصلاة على الرسول
[frame="7 80"]نغادر غداً الى مسقط الراس بعيدا عن زحمة الخرطوم وسنعود اليكم لو كان فى العمر بقية خامس ايام العيد ان شاء الله...
وزى ما بتودعنى والدتى العزيزة اودعكم : (ودعتكم الصلاة على الرسول ) اختلفوا .. واتفقوا .. بس بفهم وعشان هدف .. نحن نخدم امة كفاية الاختلاف من اجل الاختلاف .. والمعارضة من اجل المعارضة .. ما تنسوا العيد دعوة للحب والتواصل والإخاء والتسامح ... ان رجعنا بنحكى ليكم عن الحصل ..وعن بعد المسافة وقربها ..ولما يفارق زول عيون غاليات على .. وكتير خلاص بحبها ... والله احكام ياقدر !!! وإن كان هذا البوست الاخير ... فلا تنسوا ان ولداً شقياً لم يتجاوز ال28 ربيعا تسلل اليكم مزاحما قاماتكم السامقة وحروفكم الوضيئة ...يشخبت بحروف المدح والهجاء.. ينثر حكايات العامة والخاصة من اجل التوثيق وكشف اسرار وخبايا حقبة من الزمان كان نصيبنا منها بعض الحجاوي .. الخال العزيز : شوقى بدرى، عساك بخير وسامحنا غلطانين فى حققك، والعيد مبارك للاسرة والاصحاب وفى انتظارك بيننا فى الخرطوم... الحبيب خالد الحاج يا زول يا نيل العفو لله والرسول، ود اختك قشيم شوية سامحنى غلطان بعتذر، بعدين انت عارف البئر وغطاها، تسلم لينا يا خال .. يا جماعة انا ما زعلان من اى زول فيكم والله صافية لبن بس لو فى زول زعلان منى العفو لله والرسول وأكيد أنا الغلطان والعيد مبارك عليكم واحد واحد .. والعزيزات الما بسألن عن قلوبنا .. سلام وحب .. ودعتكم الله أمير الشعرانى[/frame] |
كل سنة وانت طيب يأمير الأمير
تحياتنا لإيثار وأمها وسلم على البلد تعال لينا راجع وغير رقم التلفون بي واحد برن |
غالينا أمير
(انشاالله تبراك السلامة وليك القاسي يتسهّل) ;) وكل سنة وأنت وكل من بطرفك بكل خير وتمشي وترجع بالسلامة |
امير يا امير
كل سنة وانت طيب تروح ترجع لينا بالسلامة الله يجعل لك فى كل خطوة سلامة ما تتأخر |
الابن امير الشعرانى.. تعيد وتعاود.. وتواصل وتتصل بالسلامه...وكل الخير.. وكما كانت تقول لنا الوالده المرحومه حاجه بخيته محمد احمد ابوزيد.. الوداعه عتد رب العرش..والوداعه لله وللرسول الكريم.صلوات الله عليه وسلم.. امير .يا ابنى.. تلاحقت الكتوف .والمعرفه لم تصبح حكرا على سنوات العمر..بل بتلك الاضاءات النافذه للمعرفه والعلوم...وفورة نضار الشباب كل عام وانت واسرتك بخير.... وسنعاود اذا كان فى العمر نفس..او قدر كل الاعزاز |
الغالي أمير
تمشي وتجي بالسلامة ياأمير مع السلامة وعيد سعيد عليك إنشاءالله ودعتك الله ورسوله |
اقتباس:
هههههههههههه صه يا كنار، عندكم هناك ولا شنو؟؟؟؟ ما قالو كنار عندهم نت بدون سلك وشامل بيغطي،، ولا إتا خليك سوداني يا زول يا زين تمشي وترجع بالسلامة وسودانيات بتكون راجياك خلي بالك بنيت الخرتوم دي ما تمشي تلفح ليها شيتن من حق الأقاليم،،، سلم على الأهل وكل سنة وإتا طيب |
العزيز امير
ودعتكم الصلاة علي الرسول...ودعتكم الله...يقولنها امهاتنا وحبوباتنا, ونرد, قبلنا الوداعه دحين نقول ليك قبلنا الوداعه...تمشي وتجي بالسلامه وكل عام وانت بخير لا اله الا الله....محمد رسول الله. |
العزيز أمير تمشي وتجي بالسلامه وكل عام وأنت بخير... ما بينا زعل يا زول العفو والعافية |
| الساعة الآن 12:17 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.