آآه يالأهيف
ابى مايلين من بعدو
وصار قلبى ضريم بى نار الفرقه ابدع محمود عبد العزيز فى غنائها بالعود هل من يكرمنا بهذه الاغنية الى صديقى ناصر وعم على وميسو وعمر دفع الله وعمر عيسى وكل من نحب |
بحب الأغنية دي جدا خاصة اذا اتغنت بالعود
|
الحرف الضجيج الوله الابيض فخر الحرف صديقي جيلي
كيفك يا خونا ... اها دي شنو خرمة ولا شنو والله عاديتنا بالخرمة دي مذكرنا ليها مالك، هسه يجيبو ليها شريط من وين كان ما نزلوها . مع ودي تخريمة :- انا متبرع ليك بغارسيا يغنيها ليك بس الحلة عليك وعازف الحلة وغارسيا راجل فنان غني في عرس طلقوا العروس في الاربعين (يعني تاثير لقدام ) :p :p :p |
الجيلي
الحبيب سيد المُتعة المُختبئة في الألحان والشعر منذ الزمن القديم : أضرم تُضرم ، ثم ضريم يا سلام على وَجع الجنب الشمال . شكراً يا رائع |
الاحبة
مى هاشم تعرفى انا بحب الموسيقى بشكل جنونى لكن على جنس شتاره لكن دى الاغنية الوحيده البغنيها بى رواقه فى لحظات الصفو وهى تذكرنى باصدقاء جميلين وبعيدين لكن فى القلب سكناهم هاشم الشيخ الود المفروش ساحة ليك الغناء الجميل مهدى وفوقو سلام وود الشقلينى يامتربع على قلوبنا متفننآ بسحر الكلمه زيك يالحبيب بريد الزولة ومقصصه ضلعى شمالا ويمينا She is the sweetest little thing ijuust want to dunk her in my coffee |
اقتباس:
كل عااام وانت والجميع بخير.. رغما عن اننى عضو جديد ورغما عن لا شربااااات ولا حتى موية زرقاء لما شفت عنوان البوست دا جيت جارى عليهو جرى شديد يلا هاك الاهيف والشاااعر الكبير عمر البناء بصوت الفنااان فرفور (اوركسترا) مع تحياااتى للجميع...[/align] [align=center]الأهيف ابا ما يلين من بعده صار قلبي ضريم بى نار الفرقه لمتين يا كريم الحظ يخدمنى وحبيبى يلين اراه الناعس در فاطرو كريم يألفنى ويترك لطباع الريم هو جسمو سليم وانا جسمى معذب وقليبى كليم نور محيو الفجر والليل هضليم له راحة الدنيا وليا التأليم لو مره نسيم يتمايل غصنك منه مقيسيم قبل الحاظك ما رأيت يا وسيم الأعين تفعل فعل المكسيم براق الغيم زى بسمك وليك الشادى نغيم كيف عاشقك يثبت فى وطنه يقيم انت نافر وعارفه بهواك سقيم ماليا نديم غير نجم الليل ومنامى عديم لو كان يا مدلل لى هجرى تديم اتعذب وتمنع حظى التقديم لى جود بالليم انا من بعدك صار قلبي أليم متى تعطف وتبقى حليم يا صفى القلب وروح التعليم بقى شغلى نميم وفراشى قتاد وغطاى حميم لو كان لى وصلك اوجد تتميم لى سرك بحفظ فى قلبى صميم . [/align] [media]http://scotland.indymedia.org/usermedia/audio/6/alahyaf.wma[/media] |
الصوت ده صوت فرفور ولا تشابه في الأصوات!!
ولا أنا دقة قديمة!! |
اقتباس:
و الله فعلا الفنااان فرفور وليس محمود عبد العزيز و طلعنا دقة قديمة نحنا ما انت و الظاااهر تشابه على البقر... كل التحايا...[/align] |
يا ود عثمان
دخلت أنت بعبيرك الفواح، وببطاقة اعتمادٍ تنم عن معدنك وروحك! الآن أقدم الترحيب الذي تأخر! شكراً لفوحك وبوحك وأريجك شكراً للتصحيح ومن يحمل باقة كالتي أهديت فهو سيد الشباب والفتوة والفتاء والفتيانية (وكلها صحيحة وبمعنى واحد)! في انتظار المزيد من ورودك! |
الحبيب الجيلي لك الشكر من قبل
وللاخ ود عثمان من بعد . وللعالم عباس كلنا دقه قديمة أو قد فرض علينا أن نكون دقة قديمة فلازلنا نستمع ونحن للقديم الخالد. قبل الحاظك ما رأيت يا وسيم الأعين تفعل فعل المكسيم ... المكسيم هو مدفع يضرب 500 طلقة في الدقيقة الاخت مي هاشم أمسكي عليك عيونك ديل. تخريمة حبيبنا الجيلي في أنتظار زيارتك. كبيده |
اخونا ود عثمان
بابك الف فى دارك ووسط اهلك وهاانت لم تمهلنا نقرئك السلام فانطلق كرمك فيض وعنوان للأصل الكريم تشكر كثيرآ وسامحنا ان قصرنا معك طب مقامآ بيننا |
ياهو فرفور ياعالم عباس
الدقة القديمه حاصلة ماشايف كبيده حافظ انواع السلاح وعدد طلاقتو دا زولآ مجندلاهو الريده وماشى بى نص قلب |
حبيبنا كبيده
سلامات وكل سنة وانت طيب شايف فى التلفزيون عندكم برد شديد وجليد مايدى الدرب.. سننسق حتمآ ياصديقى وسنلتقى فى القريب العاجل بس خلى بردكم دا يخف شوية انا ماصدقت لقيت الجنوب والدفو بتدور تجيبنى تانى لوطاتكم التلاجة |
الصديق الجيلى..
كل سنة و أنت بخير و الاسرة .. طبعا الواحد أصبح خامل من كتر الاحباطات و مشاهد العبث المتكررة على مسرح اليوماتى .. لا أريد أن اجرعك منه و نحن نستقبل عام جديد ؛ بل دعنا نأمل الجديد ..عسى و لعل .. بالمناسبة الايام دى مع عم دهب و قابلت عمر عيسى و كنا بنمد فيك.. يالاهيف.. |
الجيلى
الاغنيه رائعه جدا واهداءك مقبول وتحياتى لاليشاء |
| الساعة الآن 09:39 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.