اقتباس:
المشاركة الأصلية كتبت بواسطة الأغبش
أخخخخخخخخخخخخخخخخخخخخخخخخخخخ ..ما بقدر أقتبس مشاركتك الفاتت دي يا شهاب حتي لا أساهم في زيادة عذابات الكون الما ناقص ..
ياخي انا ما بخاف منها .. بل بشمئز منها .. وفي فرق كبير
يعني انا عارف انها ما بتضر ولا بتخوف لكن أشوفها ليك كده حاجه ممجوجه زي كيس مليان مويه وفيها روح شعر جلدي يقوم صوفه صوفه...ياخي حاجه تجيب الخرف المبكر ..
ياريت لو كنت اتولدت بعد المية سنة بتاعتك دي عشان اجي القاها مافي
|
شكلي يا حبيب حا ابرمج بيك قعونجات كدا لمن المقال الجاي يجهز
عليك الله شوف الضفدع الفنزويلي دا عامل كيف؟
شفت اللون الازرق مع الاسود دا جميل كيف؟
أها الضفدع دا سام جدا...
ما بعضي ولا حاجة، لكن السم بيتركز في جلدو يعني اي حيوان يتجرأ ويلتهم الضفدع دا بيروح في حق الله..
ودا السبب في الوانو الجميلة جدا ولونو الازرق البخليهو زي الكائنات الفضائية..
القاعدة الطبيعية هي : إذا كنت ساما فمن الافضل ان تكون ألوانك زاهية وإلا لن ينفعك سمك إذا تم إلتهامك، فقتل آكلك لن يعيدك للحياة
الالوان الزاهية دي إعلان عن السمية للحيوانات المفترسة، لو أكلتوني بقتلكم، وكلما كان الضفدع ساما كل ما كانت الوانه زاهية وإلا لن تنفعه سميته في شيء..
إكتساب الضفادع لهذه السمية مع الالوان تفسيره منطقي ومتسق مع الادلة من خلال نظرية التطور، ولم يمكن تفسيره في اي إطار آخر..