أبدأ بيك يا وجدي
وأول حاجة بركة البقيت أنا ملعونة براي (كحالة إستثنائية) وبرأن النساء من هذه المطاردة باللعنة وبؤتم بها أيها الرجال
اقتباس:
المشاركة الأصلية كتبت بواسطة وجدي الأسعد الأسعد
غايتو يا سماح طلعتي ملعونة لعنة التقول ما مرة
المهم شوفي يا عمتك
حنك انو المجتمع هو السبب وراء تراجع وضعية المرأة ككائن مبدع وصادق
دا حنك مجلي ساااااااي بالنسبة لي
السبب في ان المرأة اقل ابداعا من الرجل هو بنيتها الجسدية وما تمر به من حالات دورة شهرية وحمل ووضوع والخ الخ
كل الحاجة دي بتكون سبب رئيسي في تراجع المرأة حالة كونها مبدعة
اسي لو جبتي مية نصيح ومية معاق
ح تلقى انو المعاقيين اقل ابداعاً من النصاح لانو الاعاقة نفسها عندها اثر نفسي على المعاق قد تحول بينه وبين انتاجه الابداعي
(هنا طبعاً انا قلت عمل دراسة على مية موش على واحد)
اها اسي برضو لو جبتي مية راجل ومية مرأة ح تلقى نسبة الابداع عند الرجال اكتر من النساء
ودا نظراً للاسباب اعلاه بتاع بنية جسدية وما يمر به من حالات عند النساء من دورة شهرية وحمل ووضوع والخ |
طبعا تصويرك لخصوصية المرأه الفسيولوجية دي على إنها أعاقة دي فكرة جديدة علي تماما..رغم ان المرأة دي إنسان ربنا قال انو خلقها (في أحسن تقويم) وأكيد دي ما إعاقة..الخصوصية دي ممكن تلعب في الحتة بتاعت غرائزها وميولاتها الإبداعية الما بختلف فيها كتير مع مبر والرشيد..وأقول كمان عندها أدفانتج في حتة الصبر..أنا أظن المرأه أكثر تحملا وطولة بال وصبر نسبة لتعودها على هذه المعاناة البيولوجية..
شكرا يا وجدي..انت خدمت المرأة بمداخلتك دي