اقتباس:
المشاركة الأصلية كتبت بواسطة وجدي الأسعد الأسعد
لا لا لا يا سماح
ردك دا بصراحة شوت خارج اطار الحي الفيهو الاستاد زاتو
أها خليني اقعد اشرح في كلامي
أصلي انا زول عاجز تعبيرياً (مع أنو ما عندي دورة شهرية)
المرأة اقل ابداعاً من الرجل
وذلك نظراً لبنيتها الجسدية وحالاتها الفيزيكية
اولا ممكن ابدأ ليك من الدورة الشهرية
ياخ الدورة الشهرية دي تعتبر اعظم اعاقة تقع في جسد إنسان
دعك من الجهد الذهني الناتج من جهد جسدي سببه الدم المسكوب
ودعك من الحالة النفسية التي تدخلها صاحبة الدورة من اكتئاب واحباط وعاطفة جياشة
امسكي في انو كل المشاكل الفوق دي سببها فقط جسمك
يعني الحالات المزاجية والنفسية الانسان ممكن يلقى ليهو مبرر في ان يجد شماعة يعلق فيها سبب حالته النفسية
لكن في الدورة الشهرية لا توجد شماعة غير جسمك ، مافي زول تاني سبب ليك المشكلة دي
ياخ الدورة الشهرية دي بصراحة قاتلة للابداع
واعظم مافيها انها تصبح شيء روتيني لا يتأخر في المواعيد
يعني كل شهر بجي سالي انيابو وناطي في رقبة المرأة
لطالما قلت لصديقة لي ان للدورة الشهرية هذه سر عظيم ربما لم يتم اكتشافه بعد
فما اظن الغاية من الدورة الشهرية فقط مسألة بتاعت تنضيف وتجديد زي ما تم تعريفها علمياً
هذا وإلا كانت هذه الدورة عند بقية إناث الحيوانات
|
غايتو يا وجدي كلام ما موضوعي كلو كلو..
ياخي قاعد تختزل الحاجات بشكل فظيع للحد البعيد..
يعني بالله هسع ده تحليلك ورؤيتك للمشكل..؟؟
أها دي ياها العقلية الذكورية القاعدة تكبسل المرأة في جسدها وانها عورة وما عارف ليك..
كان اعتمدنا كلامك ده المفروض طوّالي نقفل البوست والسلام عليكم..
بجيك لكلامك الفوق ده بس شيل الصبر..