[imported_زول الله]

المشاركة الأصلية كتبت بواسطة أميرى

يا قيس نحنا قبيل شن قلنا
حقك كاااش يا قيس ما يحنكك زول الله دة بي عشا فنانين
ياحبيب قبل حتي ما أسمعا تصدق لك بي واحد لايك و قابلة للزيادة بعد السمع

خليك محضر خير ياولدنا
تصدق لك بواحد كرسي في الصف القدام
اسمع وتعال

المشاركة الأصلية كتبت بواسطة الرشيد اسماعيل محمود

الله.. الله..
ياخي إنت إضافة لكونك زول الله.. زول خطير جدّاً..
طبعاً أنا مندهش تماماً..
صوتك الليلة في قمّة نداوته وتعبيريته وفخامته..
يا ربي عشان القصيدة هبشت فيك وتر محدّد..؟
ياخي روعة مكتملة الأركان يا زول الله..
جد إبداع ياخي..
يا سلام..
يا سلام..

صدق يارشيدنا بالفعل الزول دا هبش فينا حتات نايمة نوم السنين
عشان كدا شكيتو لي الله
اندهاشك هو بيت القصيد هنا والله
وهو المطلوب ... زي المعادلات الآنية ديك

المشاركة الأصلية كتبت بواسطة الرشيد اسماعيل محمود

عندي ملحوظة يا زول الله الخطير..
المقطع البقول:
"بيني ما بينك حنين الفراشات للورود"
إنت قاعد تقولو بفاصل ما بين كلمتيْ "حنين" و "الفراشات"
ودي حسب رأيي الشخصي بتدِّي إيحاء للمتلقي بإنّو الحنين ما ليهو علاقة بالفراشات..
يبقي:
مفروض يحصل مد طويل لكلمة "حنين" ولحمها في الفراشات، يعني:
حنييييييي نالفراشات..
يعني تدغم الاتنين مع بعض، لأنّو الحنين مضاف للفراشات وليس قائماً لذاته..
ثمّ:
ياخي أداء معبّر جدّاً..
أها اتفقتو علي السّعر ولا لسّع..؟

تصدق الحتة دي في بالي شديد والتسجيل دا اظنو رقم 11
كلما اسجل واسمع القى حتة عايزة تعديل وتاني اعيد
برضو الحتة بتاعة إرتعاش الريدة "غيرو إيه يكون معنى الوجود"
بس أعتقد إتعالجت كويس لأنها منتهية بحرف مـــد "واو"
لكن (حنين) دي بالذات أبت كلو كلو
طبعا مع المــــد عشان توصلها بي (الفراشات) لازم سكتة "شهيق يعني"
لأنها منهية بحرف ساكن وبرضو عشان مخزون النفس بيكون إنقطع
اها السكتة دي تااااني بتفصلها ليك
ملاحظة مهمة شديد تشكر عليها كميااات ياخ
اما الكاشات فـ زولك زاتو شكلو النوع البخش من حق الشعب
يعني عشان نتفق لازم ننتظرو لغاية الأحد الجايي
ومن هنا اطالب بـ من اين لك هذا يا قيس









اقول قولي هذا واستغفر الله لي .................