اقتباس:
|
بالتاكيد حق التعبير مكفول للجميع
|
ايواااااااااااااااا
دا شعار كويس
لكن بيجبنا لسؤال ياتو تعبير؟
ودي مشكلة السودانين ما عارفين التعبير دا ذاتو شنو ودا دوركم ككتاب تورو الناس التعبير عن شنو وليه وكيف..
حرية التعبير ما فوضى لكن في تاس بتفهمها انه اي نبيشة وتجريح تخش حت حرية التعبير
والكلام دا غلط كبير
مثلا بوستك دا فيه كمية من التجريح وقتل الشخصية كان يمكن تجي تكتب كلامك دا بعنوان مختلف
وتناقش كيف لاجئين يايدو رئيس دولة
يجي زول منهم يوريك مثلا والله نحنا بنعاين للصورة الاكبر لوطن الفي مهب الريح دا
كدا بيكون في وجهات نظر وبيكون حوار ضحي
لكن للاسف حرية التعبير الناس بتشوفها في النجريح ونشر الاكاذيب وتفتيش الضمائر
وفي ناس بيمشو ابعد من كدا بفتكرو تدمير الاخر وتلويثه ودمغه بالاوصاف السالبة
دا تعبير ونقد..
الشخصية السودانية تحتاج للتطوير وتحتاج تبقى موضوعية وتحتاج يكون عندها اخلاق وصدق..
الكلام دا كلام عام من تجربتي في الكتابة في السابير منذ نهاية التسعينات
البوست دا مناسب انه نتلكم عن حرية التعبير...