[بابكر مخير]

المشاركة الأصلية كتبت بواسطة وجدي الكردي

لو بتعرفو أي زول كتب حاجة عن شوقي أرفعوهو لي في البوست ده..
بس شوقي ما يشوفكم، عشان ما يهكرو لينا، جنو وجن زول يتكلم عنّو..!

الحبيب وجدي
سلام
تفتكر هو شوقي فضل شئ لي زول عشان يكتبو عنه،،،
المساحة الوحيدة، الما كتب فيها شوقي عن نفسو، هي المدح،،
بس أنا بقول عن شوقي؛
هو في طفولتو كان، الطفل الشقي والشقي من الشباب في فترة مراهقتو والمرهق عن كل أنواع الشقاوة في كبرو (بس حقو قبل كدي أسأل السيدة أم عيالو)
شوقي يتحدث عن كل الأمور بي شفافية مطلقة، يتقبل النقد (الان، ما زمان) ويتحفظ عند الإدلاء بنقده (إلا في حالة مراضاة شخص أخر، فهو يذهب الي ما لا حد ولا مدى له)،،،
كان حسن فرح كتب كلمتين كدا عن شوقي،،،
لكن هل غطى الكثير،،
لا!! وليه؟؟
لأنو طلب من شوقي نفسه يوضح نقطة أساسية وشقي أمتنع عنها،، ربما المفردة الختاها حسن، ما لقت قبول من شوقي أو ما وضحت لي شوقي أو ما حبا يرد عليها بي إسهاب..
أنا عن شوقي بخلص لي حقيقة
شوقي قلب طفل صغير في جسد بطل مغوار،،
يتصدى لإمور الناس التانية بإندفاع لا يحسب عواقبه،،،
بقول بإسلوب تاني،،،،
شوقي البعرفو: مسرف في شخصنة الأمور
ليا حادثتين مع شوقي البتعامل مع الأمور بي شخصنة؛
الأولى؛ لمن جاني في براتسلافا ودقا ليا العرب الضربوني.
التانية؛ وإحنا في الثانوي وفي ملعب الباسكت بول، كنت طريت قريبن ليا (إبن خالتي وشوقي إبن خالي) والذي كان يعاني من إطراب نفسي ولأنه قريبي كان مقرب شوقي وشقيقه المرحوم شنقيطي اليه جداً،، كان شوقي يعتبره ملك خاص وكل ما يذكر عنه هو أمر شخصي.
عندما ذكرت إسم هذا القريب، ما كان من شوقي إلا أن رفسني في صدري وهو متعلق بحلقة الشبكة في بورد الباسكت دون أن يعرف عما كنت أريد الحديث، حين قريبي هذا كان يسكن معنا في بيتنا وكنت أقرب الي حياته عامة.
أنا ليا الحادثتين ديل بإنطباعهم في ذكرتي،، دايم أربطهم بالكتير من تصرفات شوقي والذي في كتير من الأحيان يضع نفسه بالمدافع الأول والمحامي المتجرد لنصرة المظلوم وتحديد المظلوم هو نفسه الذي يقدره ويقيمه....
شوقي بدري كتاب من مليون صفحة،،،
كتب بحروف هي طلاسم، ما حاول فكها سيفشل،،
لأنو صاحب هذه الشخصية، في كثير من الأحيان يتغلب في المزاج فيحيرك...
شوقي بدري موسوعة،
ليته يسجل بنفسه بخط يده وبي بورد كمبيوترو حتى يحمد لنفسه ويجازا لنفسه وإن أخطاء فتكون العاقبة له بنفسه..