النصيحة عمك يستحق العصر
يا قيس دار أسالك سؤال البلد دي على وين شايته ؟
قبيل حضرت فيديو في اليوتيوب من قناة النيل الأزرق اسمو أفراح هجليج
الفنانين لابسين كاكي ! و بيغنو ! ليه ياخ
تصدق السودان الكان مليون ميل مربع دا ممكن ياقول الدرديري (بعد كم سنة ممكن عااادي تقطعو بي عجلة )
ولو على الإنقاذ ممكن عاااادي يقعدو فيو قعده واااحدة يشرمطو ؛ أنا حزينة يا قيس
كمان امبارح دخلت النت لقيت واحد من أبين طبل فاتح بوست قدر الضربة و بيسال اذا كان نادر خدر مات شهيد ولا لا !
أختك دخلت اتشنجت ليك و رعفت ليو في البوست لمن حسع خجلانة ارجع بي هناك زاتو
مع أني لا بعرف للسياسة ولا بوستات السياسة
المهم
قلت ليو :
(موش دي ياها ثورة الكباري و الشوارع ، الشوارع الكتلتو بيهن نص الشعب السوداني الفضل ؟
كفاية ، كفاية يا ناس الإنقاذ تبولو فوق رأسنا دا و تقولو دي المطرة ، كفاية )
والله من امبارح دايرة لي فرصة عشان ادخل الكلام دا في جملة مفيدة
احتمال كبير أعملو توقيعي بلاش اسكن بيت قصيدي بلا لمة
ليه يا قيس نصل للدرجة دي
أنا أحسن اعمل تسجيل خروج بعد ما اقول قولي هذا و استغفر الله لي زي بيقول زول الله
قمت