[بابكر مخير]

المشاركة الأصلية كتبت بواسطة كيشو

إنت عارف أخوك بليد في الكيمياء والحاجات دي، لكين الفصل بين سنو وسنو دا حقنا، وكمان الجمع بين الأدلة
عشان كدة يا خوي أشرح لينا الكيمياء وخلي الباقي
العلاقة البينك وود مخير إنو هو بيسوط ويدي الناس، وإنت بتسوط وما بتدي الناس

كيشو الحبيب
ما وقعت ليا
هي سيطان ولا سواطة؟؟؟؟؟؟؟؟
لكن والله الحبيب
كيميتك دي لا!!
عبد الله الخوارزمي ولا الفقع بتاعو
ولا هولميارد وبارتنجتن وسارتون ولا الكمي بتاعهم (المصري)
ولا الصفدى ولغتو العبرية بتاعت "كيم يه" والمعناها "من الله"
ما قدرولا...
دي هولتك، برآك،، وفيها كمييت سيطان ولا سواطة هي؟؟؟؟؟
ليك، الحبيب؛ كل سنة وإتا طيب وبأعلى صوت أو سوط
........
المهم!!!!
عن الكيمياء وأسمائها وتعريفها؟؟؟
هاك دا:
هي السيمياء
وبرضو، الخيمياء
وهي، الصنعة
وعلمها هو، علم الصنعة
وبرضو، علم الحجر
وعلم التدبير
وعلم الميزان
وصنعة الكيمياء، صنعة الأكسير
وبيقولو ليها، الصنعة الالهية
والسر المكتوم!!!
ودا ظنيتو البقصدو ود عسوم وأنا تب بيغلبني، ما بعرف أكتم سر
أو السر الأعظم،
وكمان حجر الفلاسفة
إختار يا الحبيب البتشوفو
..........
لا، ازيدك من القصيد بيت
ويمكن يكون فيهو من القاصدو عدول
الإغريق قالو ليها chumeia وهي في قصة السبك والصهر
وذي ما قلنا قبال كدا من قدماء المصريين kemt أو chem والمقصود بيها الأرض السوداء ومربوطة بالسحر الأسود،، غير كدا أكتر عنصر ليهو تواجد ملحوظ هو الكربون ولونو أسود،،،
غايتو معليش، فلقتك ما بالسوط؟؟؟
يمكن بالسوطا
أو بأعلى صوت
تسلم الحبيب وشكرن عادل، بوستك جميل،،
بس ورينا،،
السر وراهو سنو (دي مقتبسة من كيشو)