[imported_ماجد تاج]

المشاركة الأصلية كتبت بواسطة شليل

إزيك يا ماجد وكل سنه وإنت طيب..
عايز أشارك في البوست ده لكن إختلط حابل المداخلات بنابل الفكرة.. فياريت لو قدرت لخصت البوست ده وأرفقتو بنماذج.. لأنك لمن تقول قراءة في كتابات أم التيمان مفروض تجيب نماذج ، فياريت لو وضعت كم إنموذج ووريتني رأيك أولا في الجنس / الكتابة في الجنس حاف كده بدور جندر.. والحاجه الماخده على النص شنو.
وهل الحاجه الماخده على النص دي ممكن تفوت فيك زي الترتيب إذا كان كاتب النص ضكر !
تحياتي لضيوفك

ـ



طيب

كويس جداً حتة طلب التلخيص دي

وبالمناسبة قرأت البوست من الاخر

وقلت شليل دا مالو كل مرة بيلمس طرف الاشياء ويزوغ

لكن رجعت في كلامي بمداخلتك دي



أنا أوردت نماذج بالمناسبة وما زلت أوالي إيراد نماذج كل ما تسنح فرصة

لأنو للامانة البوست طلع أكبر من المقاس الكنت متصوره



لسبب بسيط .. أنو الموضوع دا أتاريهو عنده أبعاد

محط الاعتراض يا صديقي ليس حديث الانثى عن الجنس

ولا رفض التبذل في اللغة لمجرد أن المتبذل أنثى

أنا ذا ميول دينية وعندي يستوي في الحق كما في الخطأ الجنسين

ولاحظت أنو الاسلام ما ميّز بين الجنسين

لا في عقوبة ولا في مسئولية عن فعل

يبقى أجبت على جزء مهم من مداخلتك أظن

كذلك رأيي في الجنس دي ما فهمتها بالضبط والله

لكن بريده خالص ـ في إطاره المشروع طبعاً ـ



بمزح معاك

الجنس يا صديقي في الاسلام ورد مرتبط بحتتين جميلات بشكل ما عادي

ما ح تلقاهن في أي فلسفة بالصياغة والوضوح والانسانية الورد بيها في الاسلام

من جهة ربنا وصفه بالرحمة في الاية

في التفاسير المودة والرحمة ديل مشو بيهم ناحية الجنس

ولك أن تتخيل بعد ذلك البعد العميق الصبغ بيه ربنا مفهوم الجنس المحلل ككل

المشاعر والانسانية وكدا

وورد في القرآن كلام عنه حدد وظيفته

التكاثر ، والحرث

مع ملاحظة أنو في حتة الحرث دي فتح الباب لكل ما جاء في الكوماسوترا كمثال

بقوله أنّى شئتم دي ، كيف ما تحب

طالما لم يخالف الضابط الاساسي ـ الطبيعي ـ تم تحليله لك

ودا كله في محط الحديث عن الجنس الحلال

تم ربطه بالمشاعر ، المودة والرحمة

وتم ربطه بوظيفة هامة التكاثر

واللي هو معني بالاستمرارية والاعمار

في السنة وردت تفصيلات عنه ترتفع بيه

من الفعل الغريزي المحض ـ الحيواني ـ الى أبعاد إنسانية أغنى

الشروط الهامة له ، النظافة

توخي تحقيق المفروض منه ـ الاشباع

لا يقع أحدكم على امراءته كالبعير

فليجعل بينهما رسولاً

إعلاء قيمة وأهمية مقدماته ـ المداعبة

تفاصيل كتيرة صعب للغاية إدغامها في رد واحد

لكن باختصار .. لا

لا يوجد ما يمنع الحديث عن الجنس

بل هو مهم طالما كان في إطار تحقيق ما يرجى منه

لكن بدون ابتذال ياخ

وقطعاً يستوي الجسيم المرفوض إن كان الابتذال دا صادر من راجل واللا مرة

البوست متشعب يا شليل وعايز ليه سواق حبشي عديل لو افترضتوا أن يقوده مفترعه

لكن من خلال تعدد الجوانب البيشوفها كل واحد مننا

ممكن في الاخر تتبلور أفكار أو تتضح جوانب

لو راجعت مداخلاتي مع خالد الصايغ كمثال ممكن تفهم موقفي شنو

لكن العنوان تفكيكه محتاج أيادي كتيرة

فمااا تحملوني مسئوليات أنا ما قدرها ياخ

وكل زول يشيل الجنبة البقدر يشيلها شان نطلع منه بالمهم

ملاحظة أخيرة

أم التيمان في ذات نفسها كانت نموذج ومدخل لا أكثر




ـ