صباحاتو،
أنا كتبت مداخلة طويييلة فيها كترة تنظيرات
وختيت لنك للفيلم الأوّل بتاع الجيلي
قبال مداخلتو ولو ماخايفة أبالغ قبال تنزلي البوست زاتو
بس مابعرفا مشت وين..
بوستينك دا ذكّرني برضك بزولة اسمها: أكوال
الزولة دي كانت دايماً براها..وكانت مميّزة جدّاً في كل المواد
واتذكّر أستاذة الاسلاميّة، كانت مندهشة من آدائها
كانت بتحفظ السورة في ذات الحصّة
حتّى كانوا مفتكرنّها بتجي حافظة قبال مواعيد الدرس..
اتذكّر بساطتها في الاجابة: انا مابحتاج احفظ قبل فترة..أسمع مرّة واحدي..بحفظ.
الشخصيّة دي كانت اولى الفصل رغم انّو ماكان في زول بجي جنبها ومفتكرنها فيها مس ولا حاجة، وهي ذاتها ماكان بتقعد في الكنبة مع الناس
بتجيب كرسي مهلهل كدا وتقعد آخر الفصل
البزيد العبرة، انو في بعض المعلمات كانوا بسخروا منها، خلّيك مننا نحن الشفع
اختفت فجأة
ولا حد ورّانا الحاصل عليها شنو
تخيّلي زولة زي دي لو كان في وعي كفاية
او خلينا من الوعي..احساس فطري بي انسانية كفاية
مش كان لقت اهتمام يناسب حالتا وتميّزها؟
أتمنى الاختفاء دا يكون بسبب ايجابي
وانّها الآن في مكان تستحقه
ولاقية التقدير المناسب.
شكرا يابت ياضو.