[خضر حسين خليل]

[align=right]

المشاركة الأصلية كتبت بواسطة gamal mohammed elhaj

[عزيزي خضر حسين
]انت مشروع روائ مهمل
شدني سردك حتي شاركتك البكاء
البنغلاديش_الهنود........كل الشعوب متقدمين علي مستوي
التعامل الشخصي (البنغال نموزج)
كفاية الوحشة ياصديقي
هل تتزكر المقولة وانا ثمل عند وداعنا للاصدقاء غسان.و.و..........؟مع السلامة يا شراب
حفرنا ثلة للنور لا تمت علي الدار
نتواصل لاتنقطع

أخرجت الأرض أوغادها

جيمي صاحبي
والله إنها لمناسبة إنو نقول لخالد الحاج ياخ شكراً ليك علي (سودانيات) ومبروك لي سودانيات جمال ومبروك ليك ياجمال سودانيات ..... لاحولا
إزيك يا شراب (قهقهقهقههههااااي)
من متين إنت بي جاي والله سعادة ما بعدها سعادة
كنت مصدع شديد ياجمال وشابك السعودي زميلي الفي المكتب من الصباح
والله مصدع . أسمع ماعندك بندول
لامين قريت كلامك قعدت أضحك ولكأن لاصداع ولا يحزنون

أما غسان فقد عرس من بنت عماً له وبالتالي بقي يطلع في فتاوي من شاكلة (والله ياخدر الما حب بت عمو ما حب)
عشان يتخارج من أسئلة المثقفين التعسفية دي ونوع الناس البقولو ليك

دة زواج تقليدي ساي

عجبني للغاية غسان وهو يحقق بعض أحلامنا هاتفته وأخبرته بأنو ياغسان ياوهبة الواحد ماعارف يقول ليك شنو
لكن علي العموم حصل خير ففاجأني بضحكته زاتها نفسها فعرفت ياجيمي إنو العرس ما بغير الزول ولا حاجة والا لذابت تلك الابتسامة .
أسمعني ياجيمي
قلت لي ولاية جنوب دارفور (كدة)
عجبني ليك إنت ومجموعة من ولاد دارفور إنكم انتصرتو علي الذاتي حقكم وأصريتو تنازلو البلد وتقالعو حقكم (ضراعاً كان شفتنةً كان حنكاً كان تفاوضاً كان)
مفكر جادي ياجيمي أعمل لي حركة مطلبية تنادي بإنو الناس تخت الرحمن في قلبها ويبطلو البيسوو فيهو دة لأنو والله الانتخابات الامريكية دي دخلت الواحد في أضافرينو موش كسوداني والعياز بالله لالا كمواطنين بننتمي للعالم الثالث يشهد الله ياجيمي خجلت للحكام ديل كلهم جنس خجل .

جيمي بجيك ياخ أرجع تعال أكتب أحكي لينا عن جنوب دارفور دي كدة كيفن ؟

ثم سلام ياجدع [/align]