[خالد الحاج]

الزول الزين سلام

كان شقيقي محمد الحاج مغرم بأغنية صلاح ابن البادية "حسنك أمر" .. وكان يغنيها هكذا
(حسنك أمن وأحمل صباي بات الهول الهول)
طبعا لم يسلم من طولة لسان خالك إلي وقت قريب

يتخيل لي السبب في طريقة أداء الفنانيين .. حكيت من قبل قصة (أبوشوك) جارنا الشايقي
دخلت عليه مرة وسمعته يدندن مع أغنية حسن عطية "يا ماري عند الأصيل" ودار حوار بينا
سلام يا عم أبوشوك شايفك مبسوط ؟
أبوشوك: ده حسن عطية يا ولدي ملك العود .
أسه يا عم أبوشوك عليك الله فاهمو بيقول شنو ؟
أبوشوك : والله يا ولدي كان جيت للنصيحة بلا جملة "يا ماري عند الأصيل" ماني فاهمو بيقول شنو لكن قالوا ده فنان المثقفين .


هنالك أغاني لا تحوج الإنسان كي يخطيء فيها لانها أساسا مجوبكة ...
أغنية اللحو البيقول فيها (لايكة الناس لبااااانة ) وكان شفتو الحنينة أيه يعني كريوكاوطبعا مافي فرد زول عاقل يقول لي ود اللحو يا أخي تحية كريوكا بقت كونتينر وماها الرشيقة شي

أو أغنية محمد ميرغني من كلمات المرحوم حسن الزبير :
"لا بتكالمي لا بتسالمي لا بتودي لا بتجيبي
لاكي معانا يالكاتلانا قبال يومنا"
الشكية لله تمثال الحرية دي ؟؟

بوست ظريف بجيك راجع بمزيد من المحن ...