الحلقة السابعة
....
بدون موضوع معين
بدأت بالتلميع هذه المرة بدلا من تكسير التلج
زول اسمو احمد محمد البشير
متابع للبرنامج وعنده تسجيلات قديمة يهديها للبرنامج حينما يحتاجون اليها
ولذلك كان اهداء الاغنية الاولى للزول احمد محمد البشير
....
خاطرة
غايتو قدر ما فكرت إنّو احمد محمد البشير ده ح يستفيد شنو من القصة دي ، ما قدرت اتخيل.
الشئ الوحيد القدرت اتخيلو ... إنّو البشير ده (سار) في يوم وداير يدخل قناة النيل الأزرق ، فيقوم الغفير يمنعو
يقوم يقول لهم : انتو ما عرفتوني وللا شنو ؟ انا الزول الشكرني السر قدور في برنامج أغاني وأغاني سنة 2016 الحلقة السابعة gap
....
ما علينا ...
الاغنية الاولى
أسباب سهري الما معروفة ... ابوقطاطي ... منى الخير
هدى عربي
تتذكروا أغاني راديو أمدرمان الكانو بيجيبوها وقت الفطور
وزول واحد يسمعا مافي
غاية الرتابة .... ودائرية
غض النظر عن إنّو ملحنا هو الموسيقار علاء الدين حمزة ... بس ده ما مبرر اننا نديها اكثر من (3 من 10)
...
الاغنية الثانية
خَدَّك ناعم ... كلمات السر قدور ... احمد الجابري
طلال الساتة
عذرا استاذنا السر قدور ... غايتو انا شخصيا ما قعد اصدق الطريقة البتحكي بيها مناسبات الأغاني بالصورة المحبوكة دي...
المهم ... عوض احمودي (8 من 10)
طلال الساتة (6 من 10) بالرغم من دقنو الشينة
.....
الاغنية الثالثة
ورد الغرام .... عوض جِبْرِيل
يعني ممكن واحد فيكم يصدق ؟
تيّم البرنامج قاعدين في أمانة الله ... جات رندا مارقة من البرندا ... وقفت قدام السر قدور وقالت لو: يا عّم السر انا عايزة اغني ورد الغرام ، قال لها لكن يا بتي هدى غنتها السنة الفاتت ، قالت: لكن انا ما غنيتها ... عجبو الرد وقال لها روحي غنيها...
مافي حبكة أحسن من كدي؟
عموما ... نفس الأغاني بتاعت وقت الفطور زمان في السودان
رندا ... طالما إنتي بتطلبي كدي ... مش كان تطلبي حاجة احسن؟
طبعا انا مركب مكنة مصدق الكلام الفوق ده.
رندا محجوب ( 5 من 10)
....
الاغنية الرابعة
عجيب يا حب ... السر قدور ...العاقب محمد حسن
عصمت بكري
الولد خامة جيدة
( 6 من 10)
.....
الاغنية الخامسة
يا نسيم أرجوك ... عوض الحسين ....التاج مصطفى
فرفور وهانئ عابدين
غلطان يا فرفور انك تغني مع الزول ده لأنو المقارنة مافي صالحك
مش لو كوركت !!!
والأغنية نفسها من عيون الغنا السوداني بدون شك
...
هاني عابدين (8 من 10) وكان ممكن تاخد اكتر لو مخارج الكلمات عندك أحسن من كدي.
فرفور (5 من 10)
...
أسوأ ما فيها ختامها الكل واحد فيهم حاول يجرب فينا صوتو
|