[بابكر مخير]

شنهو الشايلينو منها؟؟؟

___________

زمان تقول؟
يمكن أترفد ولا يمكن يزعلوا مني، إمكن يلبدو ليا يدقوني ولا يمكن ترفض تتزوجني، إمكن العوز قدام يرخصني ولا إمكن القرشين المعايا ديل ما ألم فيهن وأخير أدسهن...
قالوا أهلنا المصريين:
الكفن! ما ليهوش قيووب..
آها مانا شايلين منها شيتن تب...
مع الكُبر تشوف الناس تتجارآ وتلهث،،
وإتا ما خلاص، ولكتها لي واهبا، إلا بتشوف وتستغرب.....
-----
والله ما شماتة ولا حسد لكن بس شوفو الدنيا، الفانية أم بنايتن قش دي بتعمل شنهو...
في مرة كدآ واحد بيحكي ليا عن أملاكه ورزقه ربنا يزيدهو، عن صحتة وعافيته المولى يحفظن ليهو وكيف موفر حق علاجه لو إستوجب وكيف مقري وليداته وكيف أمهم بي عربيتها وبنايتها الخاصة غير الشقة الوين والفيلا الوين...
صدفة إتغيرت عليه.... الحمد لله؛ ما فلس ولا شئ من حلاله إتهبش، بس ولده حصلت ليه مشكلة بسيطة وكيف الدنيا بي حلاتها ومتعها إنقلبت لي مآساة وشراد عقل...
-----
مع الكُبر تعزف عن ملذات الدنيا ومتعها والأسباب عدة؛
عدم القدرة والمقدرة
ضعف البنية والشهوة
ضيق الوقت (مشكلة الأيام تمشي في زيادة عدد مستقطعة من الرصيد)...
بمناسبة الرصيد، حاجات كتيرة تستقطع من الرصيد...
مش كلنا مسطر لينا،،، يعني معروف يومك البتتولد فيهو وحتعيش كم ويبقآ كل يوم بينقطع من رصيد عمرك،،
مكتوب ليك كمين سنة ووشهر ويوم وساعة ودقيقة وثانية وعشر من الثانية وهلما جرآ
وكل لحظة بتمر بتنقطع من العمر.....
هوي إتلفتوا غآدي ويا "كوكي" سمآآآآآآآآآآآح
يعني في بداية المراهقة في عادات كدآ،،
آهاااااااااااااا في ناس بتسرف منها ودي برضها بتستهلك من الرصيد..
وينسوا حقيقة أنه كله مليون بيروحوا، يصعب تعويضهم...