جيت فى اللحظات الاخيرة وهثيم بقول :
دحين جرّبت عضة زول ملان مغسة؟؟؟
دحين جرّبت تسكت سااااااااي ...وتتفرج
وسط ناساً صحاب بالحيل
تقرقر ماها شايلة هموم
تشيل البينا بينك عوم
وتغرق في شبر ونسة!!؟؟؟
دحين جرّبت تضحك في جنازة زول
قريب منك
رحل خلاكا لا استأذن
ولا كلّم حواسك شان تباريهو
وفي خيت كفنو تندسّى!!؟؟؟
حصل حسيت بانو الفات
وكل الجايْ
ملان تكرار ومافي فرق
زيّو وزيّ طعم هسة!؟؟؟؟
حصل؟؟؟؟
أم
لم حصل لسة؟؟؟؟؟؟؟؟؟؟؟؟
اكتشفت انو الزول معرفة و صديق - ان شاء الله لُبط يا هيثم
-
وندمت انو ما حضرت الحلقة من البداية ... رغم انو مريت على الحلقة
اكثرمن مرة لكن للاسف ما محتفظ بصورة هيثم فى الذاكرة ... اها حد يلحقنا
بالحلقة بى جاى