أنا غايتو شوييييية كده حالي أفضل من حالك ياشبارقة
تعرف قد تكون مبالغة لو قلت ليك كل شهر يمر ولا شهر ونص
أقوم من الصباح والقي ليك روحي مضاف لقروب ما عبر الواتساب
والجماعة شغالييييين ونسات و كوبي آند بيست ولو ما رسلتها لعشرة من أصحابك الله حيقطع نخرتك ويدخلك النار وشنو شنو داك ماني خابرو
ياخي انتوا ناس بتعرفوا بعضكم وانا ما بعرف فيكم زول ...
وانتو ناس عندكم وقت فراغ قادرين انكم تتونسو فيه زي ما عاوزين
انا والله ماني فااااااضي ليكم ياخ
تتخيل حصل قبل كده لقيت نفسي مضاف في قروب
غادرت
رجعوني
تاني غادرت
برضو رجعوني
فتشت يمين شمال عرفت انو في القروب في بنات واولاد
قلت اكب ليهم راندوك ولا كلام ( قلة أدب ) من النوع ابو كديس داك يمكن ما يضيفوني تاني
قمت اتواصلت مع صاحب اول رقم اضافني واتصلت عليه
الغريبة هو بيعرفني لكن انا الما عرفتو
سبيت ليه وسبيت للواتساب ذاتو ياخ
عالم عجيبة والله
|