[بابكر مخير]

[QUOTE=عبدالحكيم;547755]
( 999 ) مشاركة حجزتها ... يعني باقي مشاركة واحدة ويبلغ الــ 1000 مشاركة .
كانت هذه مشاركتي الأولى في هذا السفر الماتع ... ولا زلت اية اضافة اتلقفها وفاهي فاغر ... وتذكر هذا الثقيل وأيامنا ماضية ...
علنا تعلمنا الأيام ..

طول الله في عمرك ... على الطاعة ونحن معاك ...

[QUOTE]

حكومي يابا..
ما كان وصل البوست لي أيتها رقم لو لاكم أنتم..
حقيقة لله روحي تب عجبتني يومتها لمن شقليني قال أنه "المشاهدات" وصلن ستين الف وإتا اليوم فرحتني أنك نبهتني بأنك حجزت ليا "المشاركة" الأفاوية..


تعرف يابا!!
الكِبر ذي موية النيل.. مشوارها مرسوم تمر في سفرها تاخد وتدي.
في بدايتها من المنبع تجيي داشرآ ونص الدرب تهدا بعد كانت هايجة ونافرة وأخرتها فأخر المشوار وإن ما لقت منحدر، ياها السكنت راكدة...
موية النيل وهي داشرة والفي دربها بقوتها بتاخدهو، بتزيد في حجمها وتكبر بالأنهر البتصب في مجراها وتلملم الطمي في سيرها في نص الدرب ولمن خلاص تقرب للنهاية بترمي الخير اللمتهو كلهو في طريقها وتستعد تقيف..
تكسل من الجري وحتى طعمتها تتغير ودي ياها يابا شبيهة "الثقيل" دآ ما بتركد وتتخسر وتبقى حالتها متل الدبرسة والفتر والمرض الضاربيننا ديل بتاعت الكُبر..