[بابكر مخير]

المشاركة الأصلية كتبت بواسطة عبدالله الشقليني

رد عليهم :
البحر ما نسيتو!

دحن حسي أنا يابا "الهجير في السودان" ما نسيتهو وليهو ياني صادي راجع
فصلن خليك من زنقتهو حرهو وأمراضهو ناس سحآي والمواجع
يا أخي لي درجة شحمة الأضان إن عصرتها تتفتفت والموية أن لمستها تتشوشو والواطة دي جمرة تحرق الواطيها...
الأرض هنان تكون جافة والتربة بإنتظام مشققة ومخططة بالله عليك كأنها صفحة من كراس الحساب وهنا وهناك تلقى ليك نقط حبر أغبش متشتتة...



صيفنا غير وناسنا وكت الصيف أخلاقها ضايقة من الحراية والهجير وحت لو هبت تكون بدل نسمة تلقاها سموماية..
شوف صيفنا وشوف صيفهم الهو زمن المرقة والفسحة والتمتع بالهواء العليل..




الصورة التحت دي "أقحمتها" دون مبرر، لكنها عجبتني لجمال البنية والفكرة والرؤية. كنت في مكان تاني علقت عليها..
هل هي ليهو هو ولا ليها هي؟؟؟؟؟..
والحقيقة أنهو المريآ بتكضب الغطاس
وتورينا من قدام
والقصد تفاصيل الوش ...