[elmhasi]

المشاركة الأصلية كتبت بواسطة حسين عبدالجليل

ولو كان عندنا حكومة ذكية ايام ثورة يناير المصرية كان المفروض طوالي تمشي تستعيد حلاليب و لتم ذلك دون قتال .

سلام حسين ..
وتحية ..
الشغلة ما عايزة حكومة ذكية وحكومة غبية ..
الشغلة عايزة حكومة مدنية تصرف شئون البلد ..
ودليلي لذلك : الحكومة المصرية ادخلت كم من الشركات الفرنسية والبريطانية للتنقيب عن الذهب وغيرهـ في مثلث حلايب وشلاتين وابورماد ..
خطاب بسيط بواسطة الخارجية للفرنسيين والبريطانيين .. جاءت كل طاقم الحكومة المصرية الي السودان .. وللأسف هذا البرهان الذي يصر علي انه رأس الدولة .. ما عندهـ رأس ومتكئ علي ’’رؤيا ابوهـ - بانه سيحكم السودان‘‘ وهذهـ هي ازمتنا ..
السيد حمدوك استطاع ان يوقف كل إيرادات الشركات العاملة في مثلث حلايب ، ولكن المصريين متوغلين في الجيش السوداني منذ الاستقلال ، ويديرون البلد بواسطة العسكر .. والعسكر يصر علي انه الاحق بإدارة البلد لأن الملكية غير منظمين .. وهذا الفهم الخاطئ لإدارة البلد هو سبب انتكاستنا ..
الديمقراطية لا تأتي بين يوم وليلة .. الديمقراطية تحتاج لمساحة من الزمن والمكان ليصبح واقعا يعيشه المجتمع ، خاصة في وضع مجتمع متخلف ، واحد بتصل علي شركة زين عشان عندهـ دحشه رايحة .. والبرهان بيمشي يخلي مناجم الذهب والفضة واليورانيوم ، في حلايب وشلاتين وابورماد ، وجاري علي الفشقة الكبري والصغري .. ناس الفشقة ديل ولا ناكرين حق السودان .. ومضمون .. شوفوا لينا اولاد بمبة الناكرين ولا قالوا السودان تبع مصر حتي فازوغلي ..
مالكم كيف تحكمون !!
أم لكم كتاب فيه تدرسون ؟؟؟
إن لكم لما تخيرون !!

قوموا الي ثورتكم رحمنا ويرحمكم الله ..
يسقط البرهان وكل اللجنة الامنية ...