[مكي محمد الحسن]

المشاركة الأصلية كتبت بواسطة Mohammed Omer

أمدرمان ..

رغم كل سنين الشقاوة لكن لم تجد علي شطارتي بالخروج من الدنيا بفتاة أعشقها إلا كانت تسكن أمدرمان !! أيام الدراسة أو بعدها كلهن كن من ساكني امدرمان ,, بانت , أبوسعد , الحتانة , (الثورات) بكل فصولها.

سلامات يا أخونا محمد عمر
بانت ..بانت سعاد فقلبي اليوم ..أو حي بانت ..خاصة بانت شرق
تربيت فيها في منزل جدي ورحلت منها في السنة الخامسة ابتدائية ( من الرشاد الابتدائية )
الي ( بري المحس ) ولدي من الاعمام والعمات من يسكنون هنالك بعد تقسيم ( ورثه ) المنزل ...
كلامك الجميل اثار شجون ام درمان في ..فزوجتي من بيت المال ..
ولكن كدي النحكي ليك نكته بمناسبة ( سنين الشقاوة ) حقتك دي..

قالوا في واحد ( زيك ) لاقي ليهو زول من حي من أحياء ام درمان ( فالنقول بانت شرق )
وكان هنالك بعض من الاصحاب للطرفين ..يعرفون ( شلاقة ) الاول وتسرعة في سرد الاخبار والروايات ..

الاول: يازول انت من بانت شرق
الثاني: اي نعم
الاول : يا اخي انا بانت شرق دي فيها حبي كله
الثاني: حبك كله !! ..تقصد شنو؟
الاول: بقصد ( فلانه ) من بانت شرق كانت حبيبتي ..يالها من دكريات معاها..
الثاني وقد وقع عليه اسم ( فلانه ) كما يقولون في جرح.. فانتفض وبدأت عليه علامة من علامات الغضب ( مقاطعاً) : ساكنة وين في بانت شرق ( فلانه) دي؟؟
الاول: شفت وراء السينما البيت الاول الفاتح علي الفسحة سيبو ..البيت التاني قداموا مزيره ومجير باللون الاصفر ..
( وقد كان البيت الدي يقصده )
الثاني: ( مقاطعاً) آييي ده بيتنا ...
الاول وهو ينظر الي الثاني في عينيه الغاضبتين: اها البيت البعدوا طوالي ...
علق أحد الحاضرون للموقف: يييييييييييييييا راجل ..طوالي كده رحلتها...


واصل في سردك الرائع ..
حبينا نشاركك فيهو بي نكته سمعتها و عاجباني ..