سودانيات .. تواصل ومحبة - عرض مشاركة واحدة

عكــود · 24-04-2023, 03:32 PM

ََ

*✍🏻 مهادن الزعيم*

*الى جنرالات الحرب العبثية*

♣︎ خليكم عارفين انكم عند ناس كتار من الشعب السوداني انتو الاتنين سوا ولمن كنتو متفقين جربنا نيران بنادقكم في فض الاعتصام وفي 18 شهر ثورة من الانقلاب لحدي الان وهسه لمن اختلفتو ضوقتونا نيران المدافع والطيارات ...
♣︎ خليكم عارفين لو الحرب دي استمرت اكتر من كدا مابتلقوا شعب تحكموهو لانو نيران مدافعكم وطياراتكم شغالة فينا ليل نهار وهدمت بيوتنا فوق راسنا وخلت الجثث بالايام في شوارع العاصمة واصبح الجميع مسجون في بيته وماقادرين يوصلوا للفرن يجيبو عيش ياكلوا ...
♣︎ الحرب دي لو استمرت اكتر من كدا ح تنتهي من شوية البنية التحتية الكانت عندنا بعدما تهدم جزء كبير من القيادة والمطار حرق والاذاعة والتلفزيون بتتقصف يومي وحتى المستشفيات م سلمت من القصف ....
♣︎ الحرب لو استمرت اكتر من كدا ح تزيد من حالة الهلع عند الناس وكلكم شايفين انو في اسواق حرقت ومحال تجارية وبنوك اتنهبت وسجون اتكسرت ومجرمين طلعوا (مع انو مافي مجرمين اكتر منكم بسبب البتعملو فيهو دا) وطبعا اي واحد منكم بحاول يوظف الكوارث دي لي صالحو سياسيا ويقول عملا الطرف التاني ....
♣︎ الحرب دي لو استمرت ح يستمر انقطاع المياه والكهرباء عن جزء كبير من احياء العاصمة وفي مستشفيات كتيرة طلعت من الخدمة والصيدليات مقفلة والصفوف قدام الافران اكبر من صفوف عساكركم في تمام الصباح ....
♣︎ الحرب دي لو استمرت اكتر من كدا ح تضعف حتى جيوشكم بعد تدمير كافة الترسانة العسكرية الاتعملت من مال الشعب السوداني عشان تكون درع ليهو ضد اي عدوان خارجي لكن ابت نفوسكم الا ان تفرغوها في صدور ابناء الشعب السوداني ....
♣︎ دي حرب مافي زول فيكم ح ينتصر فياريت تحكموا باقي العقل الفيكم (إن وجد) وتوقفوها الليلة قبل بكرة عشان نحن محتاجين سنينا عددا حتى نصلح ما افسدته حربكم العبثيه في تمانية يوم .....

#لا_للحرب
#ضد_الحرب_وضد_الاتنين

َ

24-04-2023, 03:32 PM	#[6]
عكــود Administrator	ََ ✍🏻 مهادن الزعيم الى جنرالات الحرب العبثية ♣︎ خليكم عارفين انكم عند ناس كتار من الشعب السوداني انتو الاتنين سوا ولمن كنتو متفقين جربنا نيران بنادقكم في فض الاعتصام وفي 18 شهر ثورة من الانقلاب لحدي الان وهسه لمن اختلفتو ضوقتونا نيران المدافع والطيارات ... ♣︎ خليكم عارفين لو الحرب دي استمرت اكتر من كدا مابتلقوا شعب تحكموهو لانو نيران مدافعكم وطياراتكم شغالة فينا ليل نهار وهدمت بيوتنا فوق راسنا وخلت الجثث بالايام في شوارع العاصمة واصبح الجميع مسجون في بيته وماقادرين يوصلوا للفرن يجيبو عيش ياكلوا ... ♣︎ الحرب دي لو استمرت اكتر من كدا ح تنتهي من شوية البنية التحتية الكانت عندنا بعدما تهدم جزء كبير من القيادة والمطار حرق والاذاعة والتلفزيون بتتقصف يومي وحتى المستشفيات م سلمت من القصف .... ♣︎ الحرب لو استمرت اكتر من كدا ح تزيد من حالة الهلع عند الناس وكلكم شايفين انو في اسواق حرقت ومحال تجارية وبنوك اتنهبت وسجون اتكسرت ومجرمين طلعوا (مع انو مافي مجرمين اكتر منكم بسبب البتعملو فيهو دا) وطبعا اي واحد منكم بحاول يوظف الكوارث دي لي صالحو سياسيا ويقول عملا الطرف التاني .... ♣︎ الحرب دي لو استمرت ح يستمر انقطاع المياه والكهرباء عن جزء كبير من احياء العاصمة وفي مستشفيات كتيرة طلعت من الخدمة والصيدليات مقفلة والصفوف قدام الافران اكبر من صفوف عساكركم في تمام الصباح .... ♣︎ الحرب دي لو استمرت اكتر من كدا ح تضعف حتى جيوشكم بعد تدمير كافة الترسانة العسكرية الاتعملت من مال الشعب السوداني عشان تكون درع ليهو ضد اي عدوان خارجي لكن ابت نفوسكم الا ان تفرغوها في صدور ابناء الشعب السوداني .... ♣︎ دي حرب مافي زول فيكم ح ينتصر فياريت تحكموا باقي العقل الفيكم (إن وجد) وتوقفوها الليلة قبل بكرة عشان نحن محتاجين سنينا عددا حتى نصلح ما افسدته حربكم العبثيه في تمانية يوم ..... #لا_للحرب #ضد_الحرب_وضد_الاتنين َ
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.