[بابكر مخير]

المشاركة الأصلية كتبت بواسطة عايد عبد الحفيظ

قرأت قصيدة للكاتبة الجميلة Amel Omer تقول :
الموتُ لا يُخِيفُني
لكني أخافُ الأماكن المُغلَقة
و هناك مغلقٌ جداً
ضيقٌ جداً.

عايد العزيز.
أكيييييييد دآ إنقال من زولن دخل MRI..
يابا مرة دخلوني فيهو وقال شنهو؟ مسكوني مصيبة كدي وقالوا ليا دوس الزر دآ لو شعرت بي عدم راحة.. أها الطاولة الرقدوني فيها، بدت تنسحب لي داخل أقول شنهو، يابا والله بس تابوت ولفيت ليك راسي وأشوف هناك وذي ما بيقول: بصيص ضوء..
أها.. الزر القالوا ليا أدوسهو؟
وحاتك زقلتهو ذي هناك وصيحة واحدة هزت أرجاء غرفة الفحص والخلق الفي المستشفى كلهم إتلموا في الاوضة دي..
ما كانت شحتفة روح وكتها، كان ذي الخلاص؟
الروح طلعت وأنا في القبر..
تحياتي وأعذرني على التطفل