[عبدالمنعم الطيب حسن]

جيل الشمش
موكب حريق
بيناتو بينات الوصول
لحظة شهيق
...
لمحتهما خطفة في محطة السكة حديد الخرطوم،
في محطة الجيلي ركبا بعد تحرك القطار..
وفي محطة شندي برضو ركبا في اللحظات الاخيرة
اثارا فضولى صبيَّان اصغر من يسافرا لوحدهما
ومن اللبس والانطلاق والحيوية التي يتصفان بها ايقنت انها من اولاد الشمش، ناسي واسباب وجع وزوال وجع راسي..
في عطبرة يسترخى القطر والسواقين والركاب،
فعطبرة مدينة عمالية تنداح وسط الطبقة، وكانك لا تود المغادرة،، وشوية شوية كل الركاب ببقوا اصحاب،
ناديتهم
- يا اولاد ماشين وين؟
حلفا القديمة
- معاكم منو
برانا بنعرف مستوانا
- وماشين حلفا لشنو
سياحة
- وبترجعوا متين
امكن مع القطر دا وامكن البعدو وامكن ما نرجع زاتو
- شايفكم بتركبوا متاخرين وبتقيفوا في الباب
الحاجة دا ما خطرة عليكم، وانتوا صغار
(ضحكا لاول مرة لمسافة)
لا ما تخاف علينا يا اخونا، نحن اولاد القطر،