[ناصر يوسف]

[align=justify]زوله تانيه[/align]

زوله تانيه ما زي كُل البنات
زوله بتعرف كيف تغشك
تجُرك تهبشك
من جواك تمرقك
تزغلل عيونك
تفرمل رجولك
زوله لا بتقدر تضوقها ولا بتقدر ...
تضوقك
زوله بتشحتف في روحك
تغلغل دواخلك
زوله بتخمك تصُرك
بين بسيما اتها وتَفِرَك
زوله في نومك تكابسك
تلون منامك
وحلماً بيزعج
في نومك يهزك
تكابس همومك بجنبك تهاتي
تلاقي البيحصل
بإنك حِدَاها
بتحلم حكاوي
تشتت في ذهنك
وروحك بتمرق
زوله تتمناها فيك
وبين دماك بتمشي فيك
زوله بتناقضك
تعكنن في روحك
زوله من جوف الحنايا بتجيك
بتمرقلك قدر
بس شان تجهجه دواخلك
زوله زي طعم الغُناء
ترقِص أطرافك
وتطرب حوافرك
وفجأة بتغيظك
بإنها مافي وإنت الفي
بين هواجسك تنده فيها
تتدرق فيها
وتمشي تنوم
زوله تانيه
في ومافيشه
زوله وبس
زوله تانيه


18/11/2008