عادل عسوم
تحياتى
ياخى مالك علينا . نحن ناس عندنا ضغط و سكرى و قلب و تصلب شرايين المخ
و خرفنا لحقنا تموثى ماكويلان البقى يقابض في أي سودانى في إيرلندا ، و كمان
يوريه صورة المهدى المافي واحد شافو. هل هي صورة ام رسم .
يا عادل عندك موهبة لكتابة الرواية الواقعية و ييمكنك ادخال رسالة فى ذهن
القارئ دون الحوجة لإدخال الأستاذ على عتمان فيها.
يعنى هسع أفهم انه بعد البشير يروح فيها ، على عثمان هو خير من
يصبح الشيخ الجديد لقيادة البلد.
و بعدين تمثال شنو و cv شنو. يجي واحد يحكي ليك الcv بتاعه من
ما ولدوه و طفولته الباكرة في جنينة الحيوانات و البيت الذى عاش فيه
و كم عنقريب و بمبر بالمنزل ذو الغرفه و الراكوبة.
و كيف اجتهد عمنا عثمان طه لتربية أبنائه.عم طه كان يدخل قريبآ جدآ
من الأسد ليمده باللحم لإطعامه.
و سيأتيك يا عادل من يحدثك عن خلوة الفكى عبد الرحيم بالخرطوم
و قد تأتيك (خديجة أحمدانى) و تقول لك هي اول من علمت شيخ على
الحروف ا -ب-ت-ث وهي فى السابعة من عمرها فصدقها و
اكتب اسمها فى ال cv فلولاها لما كان له ان يتخرج من ام الجامعات.
و قد تسمع الكثير الكثير الما خطر.
و يتغير الزمان و الحال و (صديق ودعه) يشتري منزل على عثمان
بالرياض بمبلغ خرافى و ينتقل شيخ على لمنزل آخر.و سيارات الشرطة
تطلق صفارات الإنذار و تتوقف حركة العباد حتي يصل شيخ علي لمنزله
للحاق بوجبة الغداء!!!! و نسى كيف والده كان يطعم الآسد.
أها يا عادل تانى ما تجيب سيرة البحر زي ما خالد قال ليك،
لسه فى كلام كثير ما اتقال
لك كل التقدير
زين عبد الله
-- -------
|