[عادل عسوم]

المشاركة الأصلية كتبت بواسطة عثمان

العزيز/ عادل طابت أوقاتك 000 بالله بلد فيها جمااااال زي دا تتفات كيف (إنت عارف يا عادل بالرغم من إنه أنا مقيم هنا في جدة وأنا من بورتسدان يعني لو جدعت حجز من هنا يصل هناك ما تتخيل متوجع قدر كيف عندي صحبي اسمه صلاح في بورتسدان هناك سألهو أصحابنا قالو ليهو عثمان كيف قال ليهم حاله (كانهم يساقون للموت وهم ينظرون .الآية) الكلام دا حصل وانا عاوز أسافر من السودان زي بعد يوم كدة.

تحياتي/ عثمان الطيب

عثمان الطيب ياحبيب
الشكر ليك على المرور الكريم والمداخلة الجميلة...
بمناسبة حديثك عن الحال في الغربة...أستمتع بالكتابة في منتدى آخر من منتديات (أهلنا الشايقية)...
لديهم بوست بعنوان مجادعات شعرية ...
كتبت فيه ردا على أحد الأحباب:
[align=center]ياأهلنا هوووي مالكم ضربتو السَّكَلِي
صايحكم رِكِب طاف البلود من بدري
قام من (أمري) متحمّد يصل لي (كوري)
خالف حافي متحزِّم قميصو مندّي
يلكُد بالكراع عرجونتو عاد منهردي
قال ياناس بطانكم بَرة جاتُن وِردي
رهفان القليب بالشوق وحاكا الطِّرقي
حارَّة الغُربة والبال عاد يجيب ويودي
لو قادرين قعاد لو رجعة قولة جِدِّي
ان خلوهو وان نهروهو ديك العِدِّي[/align]
[align=center][/align]