[عادل عسوم]

المشاركة الأصلية كتبت بواسطة قيقراوي

يا عسوم
بما انك كوتها احسن اعمل مراجعات بيدي لا بيد عمر . . .
عمرنا الاسفيري هنا ما طويل و صراحة ما عارف لو عندكم بجاي مصححين برضو و لا لا ؟

ورد النص الاصلي بالاذاعة السودانية برواية سيدنا وردي ( سامحه الله و غفر له ) عن سيدنا اسماعين حسن رضي الشعب عنه كما يلي :

يا أمير الحسن لو تسمح ظروفك
كل ساعة كل لحظة كل يوم مشتاق أشوفك

اها اخوك لطقاشة ما ، و بتواطؤ اضانو مع سبق الايعاز من رتم صاعد في منولوج حاجاته كان بسمعها " محتاج " !!
و لسه جواي رغبة اكابر انو " الاشتياق " شهوة . . . و " الاحتياج " مبرر وجود و محفز ابداع . . . و دليل حق عديل كدا . . .
الحب حاجة . . . و حاجة اساسية كمان ( بيسك نيد ) بخشم الباب . . .
و مثلث ماسلو ان ما لقالو فرقة في قاعدتو الينقلب على راسو ساي . . .

قيقا ...والحقوق محفوظة للدكتورة
العُمُر -الأسفيري-كلللو ياحبيبنا
تعرف ...فعلا أتوقفت فيها شوية وقلتا البعرفو أنها (مشتاق) مش (محتاج) لكن تصدق لقيت (محتاج) بتاعتك دي (معبرة) أكتر في سياق الغنية...
أكون مشتاق أشوف أنسان ...غير ما أكون (محتاج) أشوفو...والاّ شنو؟
والأشتياق بالفعل هو شهوة أو قل (أستريت لاين) على البرنت أوت للقاز كروماتوقراف...أما (الحوجة) فهي (بيكس) تدلل على دتكشن ل(أن نون) أمبيوريتي في البلانكت قاز...
غايتو ياقيقراوي (حبك) الجالبو في بوستك دة (أتفلفل) عديييييل ...مش أتفلتن

مودتي ياعزيز