[أبو أماني]

المشاركة الأصلية كتبت بواسطة عادل عسوم

ناس قيقراوي طبعا سوقن باب شريف

هيع عفيت منك يا أب شنب .. بقيت مع الجماعة توزع في الأسواق مش كده؟ وكمان عملت نظام سوق محلي وسوق خارجي .. طيب يا أبو العريّف إنت سوقك بي وين؟ أنا بعرف هنا داخليا عدة أسواق تليق بمستوى أعمار البعض زي سوق أم دفسوا وسوق ستة في مايو .. وسوق الحرامية هوي ها .. بتحّمر لي مالك؟ .. أنا أسع دي جبت سيرة طارق ولا شبارقة ؟؟؟ والله نصيبة يابنات أمي!!! تصوروا المرأة تكون تكون رابطة ليك الراجل من زمارة حلقومه ومودياه السوق .. والسماسرة يعجبوك عاد يا يابا .. الواحد يضرب كتف شبارقة مثلا .. ويقول للمشترية والله يا بت عمي .. كرت كرتونة .. شهادة ميلاد أصليه .. ما تسنين ولا تايوان .. وبوهية خلقة ربنا لا فيها كريم ولا ديانا .. وكان للشعر الأبيض الفي رأسه ده .. والله من ما كان عمره 16 سنة رأسه شايب .. والعجب لما تكون البيعة زي حقة ناس عادل عسوم .. يعني (أوفرسيز) تلقي السمسار في سوق الحراج .. او التشليح .. البشري .. ماسك ليك عدولة من جضومو ودايسهم ليو (وصاحبه داك)! أخونا بتاع حقنة الكروكين!.. واقف يضحك يموت بالضحك والسمسار يوري المشترية السعودية سنونو .. شوفي يا هانم .. والله العظيم سن واحد مكسره مافي ..والسعودية تعمل فيها مفتحة..شنو؟ .. بس عاوز تكمل البيعة وخلاص ؟ تلاقيه الحين عامل طقم تركيب.. وعدولة حبيبي يتفرفص من السمسمار ويحاول يفك حنكه من قبضة يده في مظهر مألوف يذكرني بأخر أيام منها وعيد الضحية .. والهانم تكون داخل السيارة .. مركبة النضارة الكبيييييرة ديك ..
ما يلا .. خلصنا .. بيع بأي تمن يا خي وفكنا منو .. الله يجازي محنك يا أمال .. وأشوف فيك يوم إتي وبنات جنسك ..يا الماغايظك شي في الدنيا دي غير تفوقنا عليكن بالآية الكريمة ديك! ياتا ؟؟ أحييييي أنا خلااااااس نسيتيها .. حقة .. مثني وثلاث ورباع .. وأجمل حاجة الأخيرة دي لانها بتنتهي ب .. بااااااع .. حد قال باعت ؟؟ البعاتي يا يمة اليطلع ليك في شوارع لندن! وتشاووووووو