[قيقراوي]

المشاركة الأصلية كتبت بواسطة لنا جعفر

خضر وقيقراوي وزوربا
تحايا حاااارة
توا حضرت وشهدت جانبا من المولد
سآتيكم بنص لكن في بوست منفصل
وحا ارد عليكم ردود منفصلة نحاول مجاراة جمالكم الاخاذ الذي بذلتموه هنا
محبتي لكم ياشباب
وياقيقا انت وينك ياخ مشتاقوووون حدّ الشوق
--------------
والله شاكرة ليكم انتشال البوست يااصدقائي وفرحة وجودي

سلام يا لنا
بمناسبة الجمال دي داير اسالك سؤال شخصي
انتي و تاج اتلاقيتوا في وادي عبقر ؟
دا حنين من الغريق لمرافئ مستحيلة . . . و قدرة بوح لا يلقاها الا ذو حظٍ عظيم
حاولوا و اهو بنحاول معاكم إلجام حشرجة السؤال المحرّق جوه الروح دا . . . كان تسكن المكنة البتحرك الجنون فينا دي . . . او فتح احتمال ان يسكت الانين جوانا ، مع التحذير على غلاف الاحتمال دا بخط واضح و صريح جداً " التفكير ضار بالصحة "
بالمناسبة المنتج دا ممكن ينزل السوق في عبوات فاخرة جداً او في شكل لفافات قاعدتها مكتملة الاستدارة و ملفوفة بعناية فائقة . . . للتمويه على السلطات الرسمية عشان ما تعتبرها من المخدرات !!
نحنا اتسرقنا يا جدعان . . . البلد . . . تاريخنا . . . حتى الاماني الكانت ممكنة
و تم اخصاء ذاكرة اساسية احتوت للاسف رامات ابداع بكرة الجميل . . . و ببعض ذاكرة تم اقصاءها في دهور سحيقة باحداث ثقب كبير فيها و نثر تراب ناعم من سيرة بطولة الاولين بقينا نتاوق من ثقبها للتاريخ دا بغشاوة ما تناثر من غبار . . .
اخير من العدم برضو و الذاكرة الزلقة بشوية تخشين مع شوية بهار ( توم و شمار تحديداً ) من خيال ممكن نصنع لينا تاريخ مشرف جداً . . .
فاذا كان الناس في بلدي يصنعون الحب . . . و ما داسينو من زول . . . الفنان يغني . . . و نحن نصفق فرحين . . . المافي شنو ؟ ما نصنع لينا تاريخ يليق بعظمتنا و نعلنو تاريخ مقدس ؟

دا كلام شنو دا ؟
انا متبري منو عديل . . . دا ما انا

سلام يا لنا و شوق كتييييييييير
قيقات كدا من رامات المحبة و كميات الاشواق محجوزة ليك
" صنع خصيصاً لـ " لنا " " *


-----------------
قصة السجاير معاي شنو الليلة . . . ؟