الأخ عادل 000 طابت أوقاتك 00 شوف ياعادل يا أخوي أنا ما بعرف عم شوقي دا معرفة شخصية ولا حصل شوفته وأنا برضو ما بعرفك إنت ولا حصل شفتك ويمكن بالمقارنة مع عم شوقي ومعاك في المنتدى دا انا حديث جدا لكن يعلم الله بحس بيكم زي كأنو عشت معاكم قبل كدة ، شوف يا عادل يا أخوي أنا زي ما قولتا عم شوقي دا أنا ما بعرفه إلا من خلال مواضيعه وكتاباته الشئ اللمسته من خلال كتاباته ومقالاته دي كلمة حق أنا بقوله في حق الرجل إنو (رجل مثال نادر جدا جداً في الزمن العلينا دا) أنا ما بقول ليك عم شوقي إنسان مكتمل الكمال لله هو زيو وزي أي إنسان ليهو عيوبه ، بس كلامك القولته في عم شوقي دا كلام كبييير وإنت بالغت فيهو والله ، يا عادل يا أخوي أنا عم شوقي دا كم مرة انتقدته في مداخلاتي لدرجة إنو قبل كدة نزلت بوست اسمه (شوقي بدري في قفص الاتهام) وفي مقاله النحنا بصدده ده انا عندي مداخلة لو قريتا برضو منتقدته ، يا عادل يا أخوي الكلام والأسلوب الأتبعته مع عم شوقي دا معليش خليني أقول ليك شينة منك ياعادل وأنا بقول الكلام دا وأنا أصغر منك يا عااادل يا أخوي عشان ما تأخد في بالك انا متحيز لعم شوقي .
تحياتي/ عثمان الطيب
|